ەلىمىزدەگى گەندەرلىك ساياسات

جونىندەگى ۇلتتىق كوميسسيانىڭ كەزەكتى وتىرىسى ءوتتى كەشە مەملەكەتتىك حاتشى گۇل­شارا ابدىقالىقوۆانىڭ جەتەك­شىلىگىمەن قازاقستان پرەزي­دەنتى جانىنداعى ايەل­دەر ىستەرى جانە وتباسىلىق-دەمو­گرافيا­لىق سايا­سات جونىندەگى ۇلتتىق كوميس­سيا­نىڭ كەزەكتى وتىرىسى بولىپ ءوتتى. وندا مەم­لەكەتتىك حاتشى پرەزيدەنت نۇرسۇلتان نازارباەۆ ۇسىنعان «100 ناقتى قادام» – ۇلت جوس­پارىن ىسكە اسىرۋ شەڭ­بەرىندە باستى جالپىۇلتتىق قۇن­دى­لىق­­تار­دى ايقىنداپ بەرگەن «ماڭگىلىك ەل» پاتريوتتىق اكتىسى قابىلدانعانىن ايتتى. – بۇگىنگى تاڭدا گەندەرلىك بيۋدجەتتەۋ الەۋمەتتىك دامۋ­دىڭ 2030 جىلعا دەيىنگى تۇجىرىم­داماسىن, ءبىلىم بەرۋ جانە عى­لىم­دى دامىتۋدىڭ 2016-2019 جىلدارعا ارنالعان, دەنساۋلىق سالاسىنداعى 2016-2019 جىلدار­عا ارنالعان «دەنساۋلىق», «جۇ­مىس­پەن قامتۋدىڭ جول كارتاسى-2020» جانە «بيزنەستىڭ جول كارتاسى-2020» باعدارلامالارىن ىسكە اسىرۋ شەڭبەرىندە ايەلدەردىڭ ىسكەرلىك بەلسەندىلىگىن ارتتىرۋ, حالىقتى جۇمىسپەن قامتۋ, انا مەن بالانى الەۋمەتتىك قورعاۋدى كوزدەيتىن شارالار ارقىلى ىلگەرى دامۋدا, – دەدى گ. ابدىقالىقوۆا. مۇنان سوڭ مەملەكەتتىك حات­­شى ەلىمىزدە جۇزەگە اسىپ وتىر­­عان گەندەرلىك تەڭدىك سايا­ساتى­نا توقتالدى. ونىڭ ايتۋىن­شا, رەسپۋبليكا كولەمىندە 28 تۇرمىستىق زورلىق-زومبىلىق قۇرباندارىنا ارنالعان داعدارىس ورتالىقتارى جۇمىس جاسايدى. وتكەن 2015 جىلى وتباسىلىق زورلىق-زومبىلىققا ۇشىراعان 16 مىڭ 800 ايەلگە 211 مامان ءتۇرلى باعىتتا كەڭەس بەرگەن. جيىندا اتىراۋ وبلىسى اكىمىنىڭ جانىنان قۇرىلعان ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ ءتورايىمى ايگۇل اجىعاليەۆا ءسوز الىپ, اتالعان ايماقتاعى گەندەرلىك تەڭدىك سا­يا­ساتى, كوميسسيانىڭ 4 ايدا اتقار­عان جۇمىسى جايلى باياندادى. – اتىراۋدا 2012 جىلدان بەرى تۇرمىستىق زورلىق-زومبىلىق قۇرباندارىن باۋىرىنا باسىپ, قامقور بولاتىن داعدارىس ورتا­لىعى جۇمىس جاسايدى. بۇگىنگى كۇنگە دەيىن ورتالىقتىڭ قىزمەت­كەرلەرى 107 ايەل مەن 205 بالاعا كومەك كورسەتتى. بۇلاردىڭ دەنى – وتباسىندا كۇيەۋىنەن زورلىق كورىپ, بارار جەر, باسار تاۋى جوقتار. سوندىقتان دا ماماندار مۇنداي جاندارعا بارىنشا پسيحولوگيالىق قولداۋ كورسەتىپ, كەڭەس بەرەدى, – دەدى ول. كوميسسيا وتىرىسىندا وت­باسى­لىق احۋال مەن بۇگىنگى قوعام­داعى ەر-ازاماتتاردىڭ دەن­ساۋلىعى توڭىرەگىندەگى اۋرۋ­لار ايتىلدى. دەنساۋلىق ساقتاۋ جانە الەۋمەتتىك دامۋ مي­نيستر­لىگىنىڭ اقپاراتى بويىن­شا, ەلىمىز الەمدە ۇرپاقتى بولۋ جۇيەسى اۋرۋلارى, تىنىس الۋ, قان اينالىمى, اس قورىتۋ اۋرۋ­­لارىنىڭ كەڭ تارالۋىنان ءتورتىن­شى ورىندا. وسىعان وراي گۇلشارا ابدىقالىقوۆا ءتيىستى ورىنداردىڭ باسشىلارىنا قازاقستانداعى وتباسىلىق-دەموگرافيا­لىق سايا­ساتتىڭ جۇزە­گە اسىرىلۋ جولىندا ناقتى تاپ­سىرمالار جۇكتەدى. تالعات رايىمبەك, «ەگەمەن قازاقستان»