جاڭا قۇرىلىم ىسكە كىرىستى

كەشە استاناداعى ۇلتتىق اكادەميالىق كىتاپحانادا قازاقستان حالقى اسسامبلەياسى دەپۋتاتتىق كورپۋسى القاسىنىڭ ءبىرىنشى وتىرىسى ءوتتى. باسقوسۋدى قازاقستان حالقى اسسامبلەياسى توراعاسىنىڭ ورىن­باسارى – حاتشىلىق مەڭگەرۋشىسى ەرالى توعجانوۆ اشىپ, كۇن تارتىبىندە قارالاتىن ماسەلەلەردى اتاپ ءوتتى. قازاقستان حالقى اسسامبلەياسى توراعاسىنىڭ ورىنباسارلارى, پارلامەنت ءماجىلىسىنىڭ دەپۋ­تات­تارى, ءماجىلىستىڭ IV جانە V شاقى­رىلىمدارىنىڭ دەپۋ­تات­­تارى, قحا مۇشەلەرى, قوعام قاي­رات­كەرلەرى, ورتالىق مەملە­كەتتىك ورگاندار­دىڭ وكىلدەرى قاتىسقان وتىرىس بارى­سىندا قحا دەپۋتاتتىق كور­پۋسىنىڭ القا قۇرامى بەكىتىلىپ, ونىڭ توراعاسى مەن ورىنباسارلارى سايلاندى. ناقتىلاي ايتقاندا, قحا دەپۋ­تاتتىق كورپۋسى القاسىنىڭ توراعاسى بولىپ IV, V شاقىرىلىم دەپۋتاتى ەگور كاپپەل بەكىتىل­دى. ءماجىلىس دەپۋتاتى ساۋىتبەك ابدراحمانوۆ پەن نادەجدا نەس­تەروۆا (V شاقىرىلىم دەپۋتاتى) القا توراعاسىنىڭ ورىنباسارلارى بولىپ سايلاندى. ال القا مۇشەلىگىنە پارلامەنت ءماجىلىسىنىڭ IV, V جانە ءVى شاقىرى­لىمدارىنىڭ دەپۋتاتتارى ەندى. ولار: جۇماتاي اليەۆ, مۇرات احماديەۆ, ۆلاديمير بوجكو, ۆالەري ۆيشنيچەنكو, ناتاليا جۇمادىلداەۆا, رومان كيم, احمەت مۇرادوۆ, شايماردان نۇرىموۆ, لەونيد پيتالەنكو, زۋحرا ساياپوۆا, يۋري تيموششەنكو, روزاقۇل حالمۇرادوۆ, شاحير حاحازوۆ جانە ليۋدميلا حوچيەۆا. ءوز كەزەگىندە القا توراعاسى ەگور كاپپەل وزىنە سەنىم بىلدىرگەن ارىپتەستەرىنە العىسىن ايتا كەلىپ, مەملەكەت باسشىسى نۇرسۇلتان نازارباەۆتىڭ تاپسىرمالارىنان تۋىندايتىن اۋقىمدى مىندەتتەر جونىندە ءسوز قوزعادى ءارى قازاقستان حالقى اسسامبلەياسىنىڭ قوعامداعى رولىنە توقتالىپ ءوتتى. قحا دەپۋتاتتىق كورپۋسى القا­سى توراعاسىنىڭ ورىنباسارى ساۋىتبەك ابدراحمانوۆ ەلىمىزدىڭ بىرلىگى مەن تاتۋلىعى باستى باي­لىعى­مىز ەكەنىن ايتا كەلىپ, «ماڭگىلىك ەل» جالپىۇلتتىق پات­ريوت­­تىق يدەياسىنىڭ ءمان-ماڭى­زىن ايرىقشا اتاپ ءوتتى. القا جۇمىسىنىڭ نەگىزگى باعىت­تارى, پارلامەنت ءماجىلى­سىن­دەگى قحا دەپۋتاتتىق توبى­­مەن بىرلەسكەن قىزمەت پەرسپەك­تيۆا­لارى, سونداي-اق, قازاقستاندىق بىرەگەيلىك پەن بىرلىكتى نىعايتۋ مەن دامىتۋ تۇجىرىمداماسىن ىسكە اسىرىپ, «ماڭگىلىك ەل» جالپى­ۇلتتىق پاتريوتتىق يدەياسىن ءىل­گەرى­لەتۋ بارىسى كەڭىنەن تالقى­لان­عان بۇل وتىرىستا ءبىلىم جانە عى­لىم ۆيتسە-ءمينيسترى تاحير بالىقباەۆ قازىرگى تاڭدا اتالعان سالا­دا اتقارىلىپ جاتقان شارالار جونىندە حابارلاما جاسادى. ح­ابار­­لا­مادان كەيىن جيىنعا قاتى­­سۋ­­شىلار تاراپىنان ۆيتسە-مي­نيستر­­گە ءۇش ءتىلدى وقىتۋ جۇيەسى جانە «قازاقستان تاريحى» مەن «دۇنيەجۇزى تاريحى» پاندەرىنىڭ وقىتىلۋى جونىندە بىرقاتار سۇراقتار قويىلدى. ساۋالدارعا جاۋاپ بەرگەن ت.بالىقباەۆ اتالعان ماسەلەلەردىڭ الداعى ۋاقىتتا ءالى دە تالقىلاناتىنىن جەتكىزدى. ونىڭ ايتۋىنشا, بۇگىندە ءۇش ءتىلدى وقىتۋ جۇيەسى بويىنشا ناقتى تۇجى­رىم­داما بار. ال ە.توعجانوۆ وسى ساۋال­دارعا قاتىستى ءوز ويىن ايتا كەلىپ, ماسەلەنى جەتە زەرتتەپ, پىسىق­تاي ءتۇسۋ قاجەتتىگىنە نازار اۋداردى. جالپى, قحا دەپۋتاتتىق كور­پۋسى القاسىنىڭ القاشقى وتى­رى­سىندا ەلىمىز ءۇشىن وتە وزەكتى ماسەلەلەر قوزعالدى. بۇل جاڭادان جۇمىسىن باستاعان القانىڭ الداعى ۋاقىتتاردا مەملەكەتىمىزگە, قوعا­مىمىزعا پايدالى, ماڭىزدى جوبا­لاردى جۇزەگە اسىرۋعا بارىن­شا اتسا­لىساتىنىن كورسەتسە كەرەك. جولدىباي بازار, «ەگەمەن قازاقستان»