حالىقارالىق قۇجاتتار راتيفيكاتسيالاندى

پارلامەنت سەناتىنىڭ توراعاسى قاسىم-جومارت توقاەۆتىڭ جەتەكشىلىك ەتۋىمەن بولعان پالاتا وتىرىسىندا ەكى حالىقارالىق قۇجات راتيفيتسيالاندى. پالاتا قازاقستان مەن رەسەي اراسىنداعى رەسەي اۋماعىندا ورنالاسقان قازاقستاننىڭ تەمىرجول ۋچاسكەلەرى بويىنشا جانە قازاقستان اۋماعىندا ورنالاسقان رەسەيدىڭ تەمىرجول ۋچاسكەلەرى بويىنشا تاسىمالداۋ تولەمدەرىن تولەۋ جانە جۇك تاسىمالدارىن رەسىم­دەۋ ءتارتىبى تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالادى. 2012 جىلعى 19 قىركۇيەكتە پاۆ­لوداردا جاسالعان حاتتاما جوعا­رىدا اتالعان كەلىسىمنىڭ 12 جانە 14-باپتارى الىپ تاس­تاۋدى كوزدەيدى. ەنگىزىلگەن وزگەرىستەر جۇكتەردى تاسىمالداۋ كەزىندە كەلىسىلگەن ساياساتتى جۇرگىزۋگە جانە تاريفتەردى ەسەپتەۋدە ەكىۇشتى تۇسىندىرۋگە جول بەرمەۋگە مۇمكىندىك تۋعىزادى. سەناتورلار قازاقستان مەن حا­لىق­­ارالىق قايتا قۇرۋ جانە دا­مۋ بانكى اراسىنداعى قارىز تۋرالى كە­لىسىمدى (ماكرو­ەكونوميكالىق باس­قارۋ جانە ەكونوميكانىڭ باسەكەگە قابىلەتتىلىگىن ارتتىرۋ سالاسىنداعى دامۋ ساياساتىن قارجىلاندىرۋ بويىنشا ءبىرىنشى كرەديت) دە راتيفيكاتسيالادى. 2016 جىلعى 17 اقپاندا استا­نادا جاسالعان كەلىسىمنىڭ ماقسا­تى ماكرو­ەكو­نوميكالىق جانە قار­جى­لىق تۇراقتىلىقتى ساقتاۋ, كىرىس­تەردىڭ تۇراقتى ءوسۋ قارقىنى ەسە­بىنەن ەكونوميكانىڭ ءتيىمدى جانە ساپالى ءوسۋىن قامتاماسىز ەتۋ بولىپ تابىلادى. كەلىسىمگە ءساي­كەس حقدب رەسپۋبليكالىق بيۋدجەت تاپ­­شى­لىعىن قارجىلاندىرۋ ءۇشىن ءبىز­دىڭ ەلىمىزگە 1 ميلليارد اقش دول­لارى مولشەرىندە قارىز بەرەدى. قارىز قاراجاتى ەلدىڭ الەۋ­مەت­تىك-ەكونوميكالىق دامۋىنىڭ نەگىزگى باسىم­دىقتارىن قولداۋعا جانە ەكونو­ميكانى ىنتالاندىرۋ جانە ەكونوميكالىق وسۋگە جاردەم­دەسۋ جونىندەگى ۇكىمەتتىڭ ستراتە­گيا­لىق شارالارىنىڭ ورىندالۋىنا مۇمكىندىك بەرەدى. قارىز 2,5 جىل­دىق جەڭىلدىك كەزەڭىن قوسا العاندا, 20 جىل وتەۋ مەرزىمىمەن بەرىلەدى. وتىرىس بارىسىندا سەناتور ج.نۇر­عاليەۆتىڭ «اگروبيزنەس-2020» باعدار­لاماسىنا رەسپۋبليكالىق بيۋدجەت­تەن قوسىمشا قارجى ءبولۋ تۋرالى, س.اقىل­بايدىڭ جەدەل ىزدەستىرۋ قىزمە­تىن قۇ­قىق­تىق رەتتەۋدىڭ عىلىمي تۇجىرى­م­دا­ماسىن جانە «جەدەل ىزدەستىرۋ قىزمەتى تۋرالى» جاڭا زاڭ ازىرلەۋ قاجەتتىگى تۋرالى, ە.مۇقاەۆتىڭ سانيتارلىق تۇر­عىدا جويۋعا جىبەرىلگەن, برۋتسەللەز­بەن اۋىرعان اۋىل شارۋاشىلىعى مالىنىڭ قۇنىن وندىرۋگە قوسىمشا ماقساتتى ترانسفەرت ءبولۋ تۋرا­لى, م.باقتيار ۇلىنىڭ ءبىلىم بەرۋ جۇيەسىن كەزەڭ-كەزەڭىمەن اعىل­شىن تىلىنە كوشىرۋ تۋرالى, ر.احمە­توۆ­تىڭ باتىس قازاقستان وبلىسىن­دا كىشى اۆياتسيا ۇشۋلارىن قالپىنا كەلتىرۋگە قارجىلاي قولداۋ كورسە­تۋ تۋرالى, باتىس قازاقستان وبلى­سىن­داعى كيروۆ – شەجىن ارناسىن جاڭ­عىرتۋدىڭ ەكىنشى كەزەڭىن قارجى­لان­دىرۋدى قولعا الۋ تۋرالى, ن.ورا­زاليننىڭ قازاقستان رەس­پۋبليكاسى پرە­زيدەنتى ءىس باس­قار­ماسىنىڭ مەدي­تسينالىق ورتالى­عىنا ەلىمىزدىڭ ەڭبەك ءسىڭىر­گەن ءارتىس­تەرىن تىركەۋ تۋرالى, ج.ەر­عا­ليەۆ­تىڭ ەلدى مەكەندەردى راديو­حابار­­لارىن تاراتۋمەن قامتا­ما­سىز ەتۋ تۋرالى, اقمولا وبلى­سى­­­نىڭ جار­­قايىڭ اۋدا­نىنداعى اۋىل شا­رۋا­­شىلىعى مەكەمە­لە­رىنە جا­نار-جاعارماي جەتكىزۋ تۋرالى «قارەنەرگو-كومىر» جشس-ءنىڭ كەلى­سىم­­شارت­تى ورىنداماعانى تۋرالى دە­پۋ­تات­تاردىڭ ساۋالدارى جاريا ەتىلدى. عابيت ىسكەندەر ۇلى, «ەگەمەن قازاقستان»