شەكسپيردىڭ شىعارمالارى 3,6 ملن. دوللارعا ساتىلدى

استانا. 26 مامىر. ۇلىبريتانيا استاناسى لوندوندا ارنايى ۇيىمداستىرىلعان اۋكتسيوندا بەلگىلى اقىن, دراماتۋرگ ۋيليام شەكسپيردىڭ شىعارمالار جيناعى 3 ميلليون 600 مىڭعا ساتىلدى. بۇل تۋرالى inform.kz-كە سىلتەمە جاساعان egemen.kz ءتىلشىسى حابارلادى. مالىمەتتەر بويىنشا, ونىڭ اراسىندا 1623 جىلى جارىق كورگەن كىتاپتار دا بار. بۇل اۋكتسيون اعىلشىن قالامگەرىنىڭ قايتىس بولعانىنا 400 جىل تولۋىنا وراي ۇيىمداستىرىلعان. باسساۋداعا قويىلعان شىعارمالاردىڭ بارلىعىن امەريكالىق كوللەكتسيونەر ساتىپ العان. الايدا, ونىڭ ەسىمى جاريا ەتىلمەي, جاسىرىن كۇيدە قالدى. ايتا كەتەيىك, ۋيليام شەكسپيردىڭ قۇرمەتىنە وراي, ۇلىبريتانيادا بىرقاتار ءىس-شارالار ءوتىپ جاتىر. ريا «نوۆوستي» اقپارات اگەنتتىگىنىڭ حابارلاۋىنشا, وسىعان دەيىن لوندون قالاسىنداعى كىتاپحانالاردىڭ بىرىندە كورمە ۇيىمداستىرىلعان. كورمەدە اقىن ومىرىنە قاتىستى كوپتەگەن زاتتار قويىلدى. ۋيليام شەكسپير – اعىلشىننىڭ  ۇلى دراماتۋرگى ءارى اقىنى. ومىرىندە كەم دەگەندە 12 تراگەديا , 16 كومەديا, 6 تاريحي حرونيكا جازىپ كەتكەن. ونىڭ پەسالارى الەمنىڭ بارلىق تىلدەرىنە اۋدارىلعان. شىعارمالارى اعىلشىن ءتىلىنىڭ دامۋىنا زور ۇلەسىن قوستى. ماسەلەن, كوپتەگەن ءسوز تىركەستەرى قاناتتى ءسوز رەتىندە كۇنى بۇگىنگە دەيىن قولدانىلىپ كەلەدى. ايان ءابدۋالي. دەرەك, فوتو: inform.kz.