جامبىل وبلىسىندا شەنەۋنىكتەرگە ايىپپۇل سالىندى

تاراز. 26 مامىر. جامبىل وبلىسى بويىنشا ەكولوگيا دەپارتامەنتىنىڭ باسشىسىنا, ونىڭ ورىنباسارىنا جانە «گازسپەتسسچتروي» جشس وكىلىنە قاتىستى ۇكىم جاريالاندى. بۇل تۋرالى egemen.kz ءتىلشىسى حابارلادى. تاراز قالاسى №2 سوتىندا قازاقستان رەسپۋبليكاسى قىلمىستىق كودەكسىنىڭ 366 بابىنىڭ 3 بولىگى 2 تارماقشاسىمەن (پارا الۋ), 362 بابىنىڭ 4 بولىگى 3 تارماقشاسىمەن (بيلiكتi نەمەسە لاۋازىمدىق وكiلەتتiكتەردى اسىرا پايدالانۋ) كىنالى دەپ تانىلعان جامبىل وبلىسى بويىنشا ەكولوگيا دەپارتامەنتىنىڭ باسشىسى م.قونىسبەكوۆكە, ورىنباسارى د.اتاۋوللا ۇلىنا جانە قر قك-ءنىڭ 367 بابىنىڭ 2 بولىگىمەن (پارا بەرۋ) كىنالى دەپ تانىلعان «گازسپەتسستروي-ا» جشس-نىڭ وكىلى م.التاميروۆقا قاتىستى قىلمىستىق ءىس قارالدى. ءىس ماتەريالدارىنان, د.اتاۋوللا ۇلى مەن م.قونىسبەكوۆ وزدەرىنىڭ لاۋازىمدىق قۇقىعىنا  جاتپايتىن ارەكەتتەرگە ىكپال جاساپ, ماتەريالدىق تابىس الۋ ماقساتىندا دەپارتامەنت اكىمشىلىك مەملەكەتتىك قىزمەتكەرلەرىنە اۋدارىلعان سىيدان زاڭسىز اقشالاي قاراجات جيناپ العان. وسىمەن توقتاماي, د.اتاۋوللا ۇلى مەن م.قونىسبەكوۆ كىزمەتتىك وكىلەتتىكتەرىنە كىرەتىن جانە لاۋازىمدىق جاعدايىنا بايلانىستى سول ارەكەتتەرگە ىكپال جاساپ, «گازسپەتسستروي-ا» جشس-نىڭ وكىلى م.التاميروۆتان مەملەكەتتىك تاپسىرۋ-قابىلداۋ اكتىسىنە قول قويۋ ءۇشىن 100 000 تەڭگە تالاپ ەتكەن. كوپ ۇزاماي, پارا الۋ بارىسىندا د.اتاۋوللا ۇلى جامبىل وبلىسى سىبايلاس جەمقورلىق دەپارتامەنتىنىڭ قىزمەتكەرلەرىمەن ۇستالعان. سوتتىڭ ۇكىمىمەن د.اتاۋوللا ۇلى مەن م.قونىسبەكوۆ قازاقستان رەسپۋبليكاسى  قىلمىستىق كودەكسىنىڭ 362 بابىنىڭ 4 بولىگى 3 تارماعىمەن, 366 بابىنىڭ 3 بولىگى 2 تارماعىمەن كىنالى دەپ تانىلىپ, وسى باپتاردىڭ بولىكتەرىمەن ارقايسىسىنا قىلمىستىق جولمەن تابىلعان نە قىلمىستىق جولمەن تابىلعان قاراجاتقا ساتىپ الىنعان مۇلكىن تاركىلەۋىمەن, مەملەكەتتىك قىزمەتپەن اينالىسۋ قۇقىعىنان ءومىر بويىنا ايىرا وتىرىپ, 7 000 000  تەڭگەدەن ايىپپۇل  تولەۋ جازاسى تاعايىندالدى. م.التاميروۆ قازاقستان رەسپۋبليكاسى قىلمىستىق كودەكسىنىڭ 367 بابىنىڭ 1 بولىگىمەن كىنالى دەپ تانىلىپ, مەملەكەتتىك قىزمەتپەن اينالىسۋ قۇقىعىنان ءومىر بويىنا ايىرا وتىرىپ, وعان 3 000 000 تەڭگە كولەمىندە ايىپپۇل  تولەۋ جازاسى تاعايىندالدى. ۇكىم زاڭدى كۇشىنە ەنگەن جوق. ورالحان ءداۋىت. دەرەك, فوتو: egemen.kz