پەتروپاۆل. 26 مامىر. قىزىلجار وڭىرىنە اۋىل شارۋاشىلىعى ءمينيسترى اسقار مىرزاحمەتوۆ جۇمىس ساپارىمەن كەلىپ, كوكتەمگى ەگىس جاعدايىمەن تانىستى.بۇل تۋرالى وبلىس اكىمدىگىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
اۋىل شارۋاشىلىعى ءمينيسترى قىزىلجار اۋدانىنا ات باسىن تىرەدى. مۇندا «پەتەرفەلد-اگرو» 5 جىلدان بەرى مال شارۋاشىلىعىمەن اينالىسىپ كەلەدى. قازىر سەرىكتەستىكتە 3 مىڭ باس ءىرى قارا مالى وسىرىلەدى.
مينيسترمەن كەزدەسۋدە جەر كودەكسىنە قاتىستى اڭگىمە قوزعالدى. «زەنچەنكو جانە ك» سەرىكتەستىگىنىڭ باس ديرەكتورى گەننادي زەنچەنكو جەردىڭ جەكە مەنشىككە بەرىلۋى شارالارىن قولدايتىنىن جەتكىزدى.
بۇل شارۋاشىلىقتا دا مال شارۋاشىلىعى جاقسى دامىپ كەلەدى. ءسۇت فەرمالارىندا كۇنىنە 20 تونناعا جۋىق ءونىم الىنادى. كورسەتكىشتى 35 تونناعا دەيىن جەتكىزۋ جوسپارلانعان. قازىر نوۆونيكولسكوە اۋىلىندا سپورتتىق كەشەن قۇرىلىسى, 10 تۇرعىن ءۇي سالىنۋدا.
اسقار مىرزاحمەتوۆ وبلىس اگروقۇرىلىم جەتەكشىلەرىمەن كەڭەس وتكىزىپ, ايماق باسشىسى ەرىك سۇلتانوۆ اوك دامۋى تۋرالى باياندادى.
اگرارشىلار رەسپۋبليكالىق ماڭىزى بار بىرقاتار پروبلەمالاردى ورتاعا سالدى. ماسەلەن, «تايىنشا استىق» سەركتەستىگىنىڭ باسشىسى اناتولي رافالسكيدى ءسۇتتىڭ باعاسى تولعاندىردى. ءمينيستردىڭ جانە سالالىق دەپارتامەنتى باسشىلارىنىڭ بەرگەن جاۋاپتارىنا قاراعاندا سۋبسيديالار تولەۋ بويىنشا باعدارلاماعا وزگەرىستەر ەنگىزىلىپ جاتقان كورىنەدى. ال ءسۇتتى ساتىپ الۋ باعاسىن اكىمدىكتەر بەكىتەدى. ديقانداردى ەليتالىق تۇقىمدارعا دەگەن جەڭىلدىكتەر, سۋ ماسەلەسى دە مازالايدى. ەگىن ەگۋدى سۋبسيديالاۋ ماسەلەسى دە قامتىلدى.
جيىن سوڭىندا اسقار مىرزاحمەتوۆ ءسۇت قابىلداۋ بەكەتتەرىن قۇرۋدى ۇسىندى. ونىڭ ايتۋىنشا, جۇمىسى توقتاپ تۇرعان ءسۇت زاۋىتتارى از ەمەس.
مينيستر تايىنشا اۋدانىنىڭ شارۋاشىلىقتارىن دا ارالادى.
ءومىر ەسقالي.
دەرەك, فوتو: سولتۇستىك قازاقستان وبلىسى اكىمدىگىنىڭ ءباسپاسوز قىزمەتى.
