جارىستار جاڭعىرىعى

بوكس. استانادا ايەلدەر اراسىندا ءوتىپ جاتقان الەم چەمپيونا­تىندا 51 كيلوعا دەيىنگى سالماق­تاعى جاينا شەكەربەكوۆا شيرەك فينالدا گەرمانيالىق ازيزا ءنيمانيدى جەڭىپ, جارتىلاي في­نالعا شىقتى. وسى ارقىلى ول وليمپيا ويىندارىنىڭ ليتسەنزيا­سىنا قول جەتكىزدى. كيوكۋشينكاي-كان كا­­راتە. بولگاريانىڭ ۆارنا قالا­سىندا قازاقستاندىق تەمىرلان جانىبەكوۆ 65 كيلوعا دەيىنگى سال­ماقتا ەۋروپا چەمپيونى اتاندى. سول سياقتى قىتايدىڭ حانجوۋ قالاسىندا نيكيتا گاراس پەن الەم­گۇل سابىرحان ازيا چەمپيو­نى اتاعىن جەڭىپ الدى. وسى جارىستا نۇرلىحان سادۋاقاسوۆا مەن اياۋلىم مۇراتوۆا كۇمىس ءجۇل­دەنى,  دانيار ءالىمۋسينوۆ قولا مەدالدى يەلەندى. تەننيس. ۆەنگريانىڭ بۋدا­پەشت قالاسىندا ITF سەرياسىنا جا­تاتىن جاسوسپىرىمدەر اراسىندا حالىقارالىق تۋرنير ءوتىپ جاتىر. وعان قازاقستان قۇراماسىندا داس­تانبەك تاشبولاتوۆ پەن جىبەك قۇ­لام­­باەۆا قاتىسۋدا. داستانبەك تۋ­ر­­­نيردىڭ شيرەك فينالىنا شىقتى. قازاق كۇرەسى. وسكەمەندە قازاق كۇرەسىنەن ىرعىزباي دوس­­حان ۇلىنىڭ اتىنداعى حا­لىق­ارالىق تۋرنير وتۋدە. وعان الەمنىڭ 20 ەلىنەن بالۋاندار قاتىسۋدا. ولاردىڭ اراسىندا وليمپيادا جانە الەم چەمپيوندارى بار. دزيۋدو. ورالدا ەرلەر جانە ايەلدەر اراسىندا كەڭەس وداعىنىڭ باتىرى مانشۇك مامەتوۆانى ەسكە تۇسىرۋگە ارنالعان ءVIى حالىقارالىق تۋرنير ءوتتى. جارىسقا 200-دەن استام سپورت­شى قاتىcتى. گاندبول. قىزىلوردادا ايەل­دەر اراسىندا قازاقستان چەم­پيو­ناتىنىڭ سۋپەرليگا ويىن­دارىنىڭ 5-ءشى تۋرى ءوتىپ جاتىر. وعان الماتى وبلىسىنىڭ «ىلە», وسكەمەننىڭ «التاي», استانانىڭ №5 مامانداندىرىلعان وليمپيا­دالىق رەزەرۆتەگى بالالار جانە جاس­وسپىرىمدەر مەكتەبى, «الماتى» ءجا­نە قىزىلوردانىڭ «سەيحۋن»-كام-قمۋ» كوماندالارى قاتى­سۋدا. «ەگەمەن-اقپارات»