شىمكەنت فارماتسەۆتيكا زاۋىتى

ونىمدەرى ەۋرووداق ستاندارتىمەن شىعارىلادى پولشا كاسىپكەرلەرىمەن بىرلەس­كەن «حيمفارم» زاۋىتى بۇگىندە قازاق­ستاننىڭ فارماتسەۆتيكا سالاسىنداعى كوشباسشىسىنا اينالعان. ءدارى-دارمەكتىڭ 200-دەن اسا ءتۇرىن شىعارۋعا مامان­دانعان, ەلىمىزدەگى تەگىن مەديتسي­نالىق كومەك كورسەتۋگە قاجەتتى ءدارى­لەردىڭ ۇشتەن ءبىرىن شىعارىپ وتىرعان كاسىپورىن جاقىندا انتيبيوتيك ۇنتاقتارىن اسەپتيكالىق جولمەن ءبولىپ شىعارۋ تسەحىن ىسكە قوستى. جاڭا جوبا «SANTO» كومپانيا­سىنىڭ جاڭا جەتىستىگى عانا ەمەس, الەمدىك نارىقتاعى قازاقستان ۇلەسىنىڭ العان قوماقتى ورنىن دا كورسەتەدى. كونۆەيەردەن العاشقى بولىپ شىققان تسەفالوسپورين انتيبيوتيگىنىڭ وزىنەن 14 ءتۇرلى ءدارى جاسالادى ەكەن. نەگىزىندە, بۇل انتيبيوتيكتەر بۇرىن دا شىعارىلىپ كەلگەن. بىراق GMP ستاندارتىنىڭ تالابى بويىنشا بولەك جەلى بولۋى كەرەك. زاۋىت تامىز ايىندا تاعى ءبىر جەلىنى ىسكە قوسپاقشى. سوندا جىلىنا 40 ملن. قۇتى انتيبيوتيك شىعارىلادى. «حيمفارم» اق باس ديرەكتورى يجي ۋربانەتس جاڭا ءوندىرىستىڭ فار­ماتسەۆتيكالىق سالاداعى يننوۆاتسيالىق دامۋدىڭ جاقسى كورسەتكىشى ەكەندىگىن ايتادى. بۇگىندە ەلىمىز بويىنشا مىڭداعان ادامدارعا جۇمىس تاۋىپ بەرىپ وتىرعان زاۋىت قازاقستانداعى فارماتسەۆتيكا نارىعىندا كوشباسشى ەكەندىگىن وسىنداي ىسىمەن تاعى دالەلدەپ وتىر. بۇعان دەيىن ءونىمىن قىرعىزستان, تاجىكستان, تۇرىكمەنستان جانە موڭ­عوليا مەملەكەتتەرىنە ەكسپورتقا شىعارىپ كەلگەن زاۋىت ەندى ونىڭ كولەمىن ەسەلەمەك. «كورشى ەلدەر اراسىندا ءبىزدىڭ ونىمدەرىمىزگە اسا قىزىعۋشىلىق تانىتىپ وتىرعان مەملەكەت, ول – رەسەي. ەۋرووداق ستاندارتىمەن شىعارىلىپ جاتقان «SANTO» كومپانياسىنىڭ ءدارى-دارمەكتەرىن ەكسپورتتاۋداعى نەگىزگى ارىپتەسىمىز وسى مەملەكەت بولادى», – دەيدى زاۋىتتىڭ باس ديرەكتورى. باقتيار تايجان, «ەگەمەن قازاقستان» وڭتۇستىك قازاقستان وبلىسى