جەمىستى جيىرما جىل

كەشە ەلوردادا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ 20 جىلدىعىنا بايلانىستى مەرەكەلىك شارالار بولدى. ايتۋلى وقيعا اياسىندا وتكەن عىلىمي كەڭەستىڭ سالتاناتتى وتى­رى­سىنا مەملەكەتتىك ورگاندار, ديپ­لوماتيالىق كورپۋس, عى­لىم جانە ءبىلىم سالاسى وكىلدەرى قاتىستى. مەرەيتويدىڭ اشىلۋ راسىمىندە ءسوز سويلەگەن مەملەكەتتىك حاتشى گۇلشارا ابدىقالىقوۆا ەلباسىنىڭ قۇتتىقتاۋىن وقىپ بەردى. قۇت­تىقتاۋدا 1996 جىلى ارنايى جارلىقپەن قۇرىلعان ۋنيۆەرسيتەت بۇگىندە وتاندىق جوعارى وقۋ ورىندارى اراسىنداعى كوشباسشى­نىڭ بىرىنە اينالعانى جانە استانا­نىڭ رۋحاني ءارى زياتكەرلىك ورتالى­عى بولىپ وتىرعانى اتاپ كورسەتىل­گەن. قازاق­ستان پرەزيدەنتىنىڭ ەۋرا­زيا ۇلتتىق ۋنيۆەرسيتەتى الداعى ۋا­قىتتا دا «ماڭگىلىك ەل» جالپى­ۇلتتىق پات­ريوتتىق يدەياسىن ىسكە اسىرۋ ءۇشىن بىلىك­تى ماماندار دايارلايتىن ماڭىزدى عى­لى­مي-اعارتۋ­شىلىق مەكەمەنىڭ ءبىرى بولىپ قالا بەرەتىنىنە سەنىم ءبىلدى­رەتىنى ايتىلعان. بۇگىندە ەۇۋ – ەۋروپا, ازيا, امەري­كانىڭ 258 جوعارى وقۋ ورىندارىمەن, ءتۇرلى عىلىمي-زەرتتەۋ ورتا­لىقتارى­مەن, شەت مەملەكەتتەر ەلشىلىكتەرىمەن, حالىق­ا­رالىق ءبىلىم بەرۋ قورلارىمەن تىعىز قارىم-قاتىناس ورناتقان ەۋرا­زيالىلىق يدەياسىن ىسكە اسىراتىن بول­ا­شاق ۋنيۆەرسيتەتى. قازىر مۇندا 16 مىڭنان استام ستۋدەنت 168 ماماندىق بويىنشا ءبىلىم الادى, 2011 جىلدان باستاپ 250 ءپان اعىلشىن تىلىندە جۇرگىزىلىپ كەلەدى. قازاقستان پرەزيدەنتى ن.ءا.نازارباەۆتىڭ باستاماسىمەن 2000 جىلى ۋنيۆەرسيتەت بازاسىندا م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ قازاق­ستاندىق فيليالى اشىلعان. سالتاناتتى شارادا سونداي-اق, سەنات توراعاسى قاسىم-جومارت توقاەۆ­تىڭ, ءماجىلىس توراعاسى باقتىقوجا ىزمۇحامبەتوۆتىڭ قۇت­تىقتاۋ حاتتارى وقىلىپ, كونس­تيتۋتسيالىق كەڭەستىڭ توراعاسى يگور روگوۆ, مادەنيەت جانە سپورت مينيسترلىگىنىڭ جاۋاپتى حات­شىسى قۋاتجان ۋاليەۆ, استانا قالاسى اكىمىنىڭ ورىنباسارى ەرمەك امانشاەۆ, م.ۆ.لومونوسوۆ اتىن­داعى ماسكەۋ مەم­لەكەتتىك ۋنيۆەرسيتەتى فيليالىنىڭ ديرەك­تورى الەكساندر سيدوروۆيچ, رف پرە­زيدەنتى جانىنداعى ەكونو­ميكالىق كەڭەس مۇشەسى الەك­ساندر اۋزان ءسوز سويلەپ, لوندون وليم­پياداسىنىڭ چەمپيونى ۋنيۆەرسيتەت تۇلەگى الەكساندر ۆينوكۋروۆ ءوز لەبىزىن بەينەكورىنىس ارقىلى جەتكىزدى. جيىندا ءسوز العان 2004 جىلعى نوبەل سىيلىعىنىڭ لاۋرەاتى, ەۇۋ-ءدىڭ قۇرمەتتى پروفەسسورى ەدۆارد پرەسكوتتا وسى وقۋ ور­داسى­نىڭ 20 جىلدىق مەرەي­تويى­مەن قۇتتىقتاي كەلىپ: «مەن ءالى كۇنگە دەيىن قازاقستانعا مەم­لە­كەت­تىك ساپارمەن كەلگەندە پرەزي­دەنت نۇرسۇلتان نازارباەۆپەن كەز­­دەسۋىمدە, سونداي-اق, ەۋرازيا ۇلت­­تىق ۋنيۆەرسيتەتىندە ءدارىس وقى­عان كەزىمدە كورسەتكەن قوناق­جاي­لىلىقتارىڭىز بەن ىقى­لاس­تارىڭىزدى ءاردايىم ەسىمە تۇسىرە­مىن. ەۇۋ 20 جىل­دىڭ ىشىندە قارقىندى دامىپ, جوعا­رى حالىق­ارالىق باعاعا يە بولدى. ەۋرازيا ۇلتتىق ۋنيۆەرسيتەتىنىڭ قارا شا­ڭىراعىنا, ونىڭ ىشىندە ستۋدەنت­تەرگە شىعارماشىلىق رۋحىن ساقتاپ, جاڭا ماقساتتارعا ۇم­تى­لىپ, دامي بەرۋدى تىلەيمىن, – دەدى. قر جوو ەلىمىزدىڭ ءبىلىم-عىلىم سالا­­سىنىڭ دامۋىنا ۇلەس قوسىپ, ءوڭىر­لەر­دىڭ ءوسىپ-وركەندەۋىنىڭ قوزعاۋشى كۇشىنە اينالىپ وتىر. جيىرما جىلدا ەلىمىزدەگى بارلىق جوعارى وقۋ ورىندارىمەن تىعىز دوستىق جانە عىلىمي-تاجىريبەلىك قارىم-قاتىناس قۇرا بىلگەن اتالمىش ۋنيۆەرسيتەتتە قازاقستان رەكتورلارى كەڭەسى جۇمىس ىستەيدى. بۇگىنگى مەرەيتويمەن ەلىمىزدىڭ 70-تەن استام جوو رەكتورلارى قۇت­­تىقت­ادى. ساحنا تورىنە شىق­قان بار­لىق رەكتورلار اتىنان ءال-فارابي اتىنداعى قازاق ۇلت­تىق ۋنيۆەرسيتەتىنىڭ رەكتورى عالىم­قايىر مۇتان ۇلى قۇت­تىق­تادى. استانامەن قاتارلاس دۇنيەگە كەلگەن بۇل ءبىلىم ورداسىنىڭ قۇرىلۋى – ەل بولاشاعى ءۇشىن ماڭىزدى باستامالاردىڭ ءبىرى ەدى. ەۋرازيا اتالۋىنىڭ وزىندە كوپ ءمان جاتىر. تۇراقتى دامۋعا باعىتتالعان ۇزدىكسىز ىزدەنىستەر ناتيجەسىندە كۇر­مەۋى كۇردەلى كوپتەگەن ماسەلەلەر وڭ شەشى­مىن تاپتى. الەمنىڭ جەتەكشى عىلى­مي ورتا­لىقتارىمەن جانە شەتەلدىك تاڭ­داۋ­لى وقۋ ورىندارىمەن بايلانىس ورنا­تىلىپ, تاجىريبە الماسۋ ءىسى جولعا قويىل­دى. ونداعى تاڭداۋلى مامانداردى شاقى­رىپ, ءدارىس وقىتۋ بۇگىندە داستۇرگە اي­نال­­ع­ان. بۇل ءوز كەزەگىندە دارىندى جاستارى­مىز­دىڭ بولاشاعىنا كەڭ جول اشىپ وتىر. مەرەيتويلىق باسقوسۋ بارىسىندا ەۋرازيا ۇلتتىق ۋنيۆەر­سي­تەتىنىڭ رەكتورى, قر ۇعا اكا­دەميگى ەرلان سىدىقوۆ ساحنا تورىنە كوتەرىلىپ, ۋنيۆەرسيتەتتىڭ قالىپتاسۋىنا ۇلكەن ۇلەس قوسقان بۇرىنعى رەكتورلار – ا.قۇسايىنوۆ, م.جولداسبەكوۆ, س.ءابدىماناپوۆ جانە ب.ءابدىرايىمدى ل.ن.گۋميلەۆ اتىن­داعى ەۋرازيا ۇلتتىق ۋني­ۆەرسيتەتىنىڭ 20 جىلدىعى مەرە­كەلىك مەدالىمەن ماراپاتتادى. سالتانات سوڭى «كۇلتەگىن اماناتى» قويىلىمى مەن قازاقستان ونەر شەبەرلەرىنىڭ كونتسەرتىنە ۇلاسىپ, «استانا كوكتەمى» مەرەكەلىك ءىس-شارا­لارىنا جالعاستى. تالعات باتىرحان, «ەگەمەن قازاقستان»