تۇعىرى بيىك تۇلعا

قازاقستاننىڭ بۇكىل وڭىرىندە ولجاس سۇلەي­مەنوۆ­تىڭ 80 جىلدىق مەرەيتويى اسقان سۇيىسپەنشىلىكپەن اتا­لىپ وتۋدە. سونىڭ ءبىرى – ۇلت­تىق مۋزەيدە ۇيىم­داستى­رىل­عان «و. سۇلەيمەنوۆ پوەزيا­سىن­داعى تاريح جانە تاعى­لىم» اتتى عىلىمي كونفەرەنتسيا. شاراعا الىس جانە جاقىن شەتەلدەردەن مارتەبەلى قوناقتار, بەلگىلى مەملەكەت جانە قوعام قايراتكەرلەرى, قوعامدىق ۇيىمدار­دىڭ وكىلدەرى, جوعارى وقۋ ورىن­دارىنىڭ باسشىلارى, سونىمەن قاتار عالىمدار مەن ستۋدەنتتەر قاتىستى. كونفەرەنتسيادا ۇلتتىق مۋزەي­دىڭ ديرەكتورى دارحان مىڭباي اقىن ولجاس سۇلەيمەنوۆ­تىڭ شىعارماشىلىعى مەن قالامگەردىڭ قوعامداعى ورنى تۋرالى ايتا كەلىپ: «ولجاس سۇلەيمەنوۆ – ءبىز ءۇشىن عانا ەمەس, ءبىزدىڭ ۇرپاقتارىمىز ءۇشىن دە ماقتانىش بولاتىن تۇلعا. ونىڭ بەلسەندىلىگىن, قوعام ءۇشىن اتقارعان ەڭبەگىن ەل-جۇرتى جاقسى باعالايدى. ول قازاقستان ءۇشىن دە, الەم ءۇشىن دە ەڭبەكتەرى ەڭ كوپ تارالىممەن شىعىپ, كوپ وقىلعان اقىن», – دەدى. ولجاس ومار ۇلىنىڭ جازۋ­شى­­لىعى, قايراتكەرلىگى, «نە­­­­ۆا­­­­دا- سە­­مەي» قوزعالىسىنىڭ جە­­تەك­­­­­­شىسى رە­تىندەگى اتقارعان ءرولى, عا­­لىم­­­د­ى­عى, ساياساتكەرلىگى بۇگىندە دۇنيە ءجۇزى حالىقتارىنا ءمالىم جايتتار. «حالىقارالىق جيىنداردا, عىلىمي كونفەرەنتسيالاردا, سايا­ساتتا, پوەزيادا ولجاستىڭ بويى دا, ويى دا ەشقاشان الاسارىپ كورىنگەن ەمەس. ول ۇنەمى ەل مارتەبەسىن كوتەرۋمەن كەلەدى. ولجاس سۇلەيمەنوۆ ازاماتتىق, ادامزاتتىق بيىك پوەزيانى جاساۋشى», – دەدى جيىندا ءسوز العان قوعام  قايراتكەرى مىرزاتاي جولداسبەكوۆ. عىلىمي جوبا اياسىندا ولجاس ومار ۇلىنىڭ جازعان مۇرا­لارىن جاڭا تىڭ دەرەكتەر نەگىزىندە زەردەلەۋ, جاستاردى وتانشىلدىق پەن پاتريوتيزمگە تاربيەلەۋ, سونداي-اق قازاق مەملەكەتتىگى­نىڭ قالىپتاسۋىنا جانە دامۋ كەزەڭ­دەرىنە قوسقان ۇلەسىن عىلىمي تۇرعىدا جۇيەلەۋ جايىندا ويلار ايتىلدى. عىلىمي كونفەرەنتسيا بارىسىندا و.سۇلەيمەنوۆتىڭ شىعارماشىلىعى مەن ومىرىنە ارنالعان فوتو جانە كىتاپ كور­مەلەرى ارقىلى عاجايىپ سىرلار شەرتىلدى.  قارشىعا كۇلەن