ايتقىشتار اقتوبەدە باس قوستى

اقتوبەدە قازاقستان رەسپۋب­ليكاسى تاۋەلسىزدىگىنىڭ 25 جىل­دىعىنا وراي «ايتقىش­تار ا­قتوبەدە» VII رەسپۋبليكالىق ءازىل-سىقاق تەاترلارىنىڭ فەس­تيۆا­لى ءوتتى. فەستيۆالعا ءازىل-سىقاق جانرىن ناسيحاتتاپ ءجۇر­گەن 14 تەاتر مەن 3 جەكە ورىن­داۋ­شى قاتىستى. فەستيۆالدى ۇيىم­داستىرۋعا وبلىس اكىمىنىڭ, سونى­مەن قاتار, وبلىستىق مادە­نيەت, مۇر­ا­عاتتار جانە قۇجاتتاما باس­قار­ماسىنىڭ قولداۋىمەن ت.اح­تانوۆ اتىنداعى اقتوبە وبلىس­تىق دراما تەاترى مۇرىندىق بولدى. ونەر دوداسىنىڭ الدىندا «ەكى ەزۋ» ساتيرا تەاترىنىڭ ارنايى ۇيىمداستىرعان كولەڭ­كەلى قويىلىمى جانە ونەر ما­گيس­ترى ەلتاي كەمالدىڭ رە­جيس­­سەر­لىعىمەن كەشەگى قازاقى قال­جىڭ­نىڭ كوسەگەسىن كوگەرتكەن «تاما­شا­نىڭ» تارلان­دارىن ەسكە الۋ ماقسا­تىن­دا تەاترلاندىرىلعان حورەو­گرافيالىق كورىنىس ۇسىنىلدى. فەستيۆالعا حالىقارالىق «الاش» سىيلىعىنىڭ لاۋرەاتى, «ارا» گازەتىنىڭ باس رەداكتورى كوپەن امىربەك, وبلىستىق مادە­نيەت, مۇراعاتتار جانە قۇجاتتاما باس­قار­ماسىنىڭ باسشىسى قانات ايت­باەۆ, ت.احتانوۆ اتىنداعى وب­لىس­­ت­ىق دراما تەاترىنىڭ ديرەك­­تورى, «ەكى ەزۋ» تەاترىنىڭ نەگى­زىن قالاۋشى نۇرلىبەك جۇبات­قان, ساتيريك جازۋشى تورەجان ءمان­دى­­باي, ت.احتانوۆ اتىن­داعى وب­لىس­تىق دراما تەاترىنىڭ رەجيس­سەرى ماعزۇم باقىتجانوۆ, ساتيريك مۇحتار شەرىم, وبلىستىق «اقتوبە» گازەتىنىڭ ءتىلشىسى ارداق قوناقباەۆا قازىلىق ەتتى. باس جۇلدەنى «مەنىڭ كۇيەۋىم قىزعانشاق» كومەدياسىن قويعان اتىراۋ قالاسىنىڭ «ارا-اتى­راۋ» ءازىل-سىقاق تەاترى مەن «دارىگەرلەر الەمى» جانە «پسيحولوگ» ينتەرمەديالارىن قازىلار تالقىسىنا ۇسىنعان الماتى قالاسىنىڭ «كەرەمەت» ءازىل-سى­قاق تەاترى قانجىعالارىنا باي­لاپ, ارقايسىسى 150 مىڭ تەڭگە اقشا­لاي سىيلىققا يە بولدى. ەكى ءبىرىنشى ورىندى تاراز قالاسىنىڭ «تالاس تالانتتارى» ءازىل-سىقاق جانە وڭتۇستىك قازاق­ستان ءازىل-سىقاق جانە ساتيرا تەاترلارى يەلەنىپ, ارقايسىسى 100 مىڭ تەڭگە اقشالاي سىيلىق­پەن ماراپاتتالدى. فەستيۆال­عا قاتىسقان ءازىل-سىقاق تەاتر­لارى­نىڭ قاي-قايسى دا سىي-سياپاتتان قۇر قالعان جوق. بۇل كورەرمەننىڭ ەسىندە قازاقى قالجىڭ مەن ادەمى ءازىلدىڭ اجارىن اشقان شارا رەتىندە ساقتالارى ءسوزسىز. ساتىبالدى ءساۋىرباي, «ەگەمەن قازاقستان». اقتوبە وبلىسى