«شابىت-مەرەي» شاتتىققا بولەدى

تاياۋدا قازاق ۇلتتىق ونەر ۋنيۆەرسيتەتى پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيامەن بىرلەسە وتىرىپ, مۇمكىندىگى شەكتەۋلى جانە جەتىم بالالار اراسىنداعى دارىندى جاسوسپىرىمدەر شىعارماشىلىعىنىڭ «شابىت-مەرەي»  ءى رەسپۋبليكالىق بايقاۋىن وتكىزدى. بايقاۋعا قاتىسۋشىلار جاس ەرەكشەلىكتەرىنە قاراي ء(ى – 7-9 جاس; ءىى – 10-13 جاس; ءىىى – 14-16 جاس) ءۇش توپقا ىرىكتەلىپ, ونەر كور­سەتتى. بايقاۋ جامبىل اتىنداعى كون­تسەرتتىك زالدا ەسترادالىق ءان سالۋ جانرى بويىنشا وتكىزىلدى. اتال­عان ونەر بايقاۋىنىڭ اياسى كەڭ. باي­قاۋعا ەلىمىزدىڭ تۇكپىر-تۇك­پىرى­نەن جينالعان 25 ۇمىتكەر ءوزارا باق سىناستى. وندا, اسىرەسە, ەل تاۋەل­سىز­دىگىنىڭ 25 جىلدىعىنا وراي, وتان­شىلدىق, تۋعان جەر, بەيبىت­شىلىك جانە كەلىسىم, حالىقتار دوس­تىعى, ىزگىلىك پەن مەيىرىم تاقى­رىپ­تارىنا ەرەكشە باسىمدىق بەرىلگەن ەكەن. بايقاۋ جەڭىمپازدارىنا قازاق ۇلتتىق ونەر ۋنيۆەرسيتەتىنىڭ رەكتورى, قازاقستاننىڭ ەڭبەك ەرى ايمان مۇساقوجاەۆا جانە ەسترادا جۇلدىزدارى, قازاقستاننىڭ ەڭبەك سىڭىرگەن قايراتكەرلەرى: مايرا ءىلياسوۆا, التىناي جوراباەۆا, ازامات جىلتىركوزوۆ, سونداي-اق, مارجان اراپباەۆا, ارايلىم راقىمقىزى, تەلمان نۇركەنوۆ, ديماش قۇدايبەرگەنوۆ سەكىلدى بەلگىلى ونەر يەلەرى ءوز اتتارىنان جۇلدەلەر تاپسىردى. باس جۇلدەنى مۇمكىندىگى شەك­­­تەۋلى بالالار اراسىنان وق بويى وزىق شىققان استانالىق حان ۆالەريا يەلەندى. ءى ورىن اللابەرگەن ابەۋوۆ, الينا قاسەنوۆا مەن دانيل پلاتيتسينگە بۇيىردى. ال جەتىم بالالار ساناتىنداعى باس جۇلدەنى پاۆلودارلىق دارىن­دى ءجاسوسپىرىم كارينا مامىروۆا, ءى ورىندى «نۇر استانا» ۆوكالدىق توبى مەن «ايگولەك» كۆينتەتى جەڭىپ الدى. سونىمەن قوسا, 2, 3, 4-ورىن يەگەر­لەرى انىقتالىپ, ارنايى جۇلدەلەرمەن ماراپاتتالدى. بايقاۋعا قاتىسۋشىلاردىڭ بارلىعىنا العىس حاتتار مەن باعالى سىيلىقتار تابىس ەتىلدى. يگىلىكتى ءىس-شارادا بالالار شاتتىققا بولەنىپ, مەرەيلەرى تاسىدى. كوڭىلدەرى كوتەرىلىپ, ءماز بولىستى. الداعى ۋاقىتتا دا وسىنداي ساۋابى مول شارالار جيىرەك وتكىزىلىپ تۇرسا, نۇر ۇستىنە نۇر بولار ەدى. راۋشان سۇلەيمەنوۆا