ءورتتى ورشىتپەۋ وزىمىزدەن

جىل سايىن ەلىمىز اۋماعىندا ءتورت مىڭعا تارتا تابيعي ءورت پەن جانۋ فاكتىلەرى ورىن الاتىنى بەلگىلى بولىپ وتىر. بۇل جونىندە كەشە ورتالىق كوممۋنيكاتسيالار قىزمەتىندە «تابيعي ورتتەردىڭ الدىن الۋ جانە سۋعا شومىلۋ ماۋسىمىنداعى قاۋىپسىزدىك قاعيدالارى» تاقىرىبىندا وتكەن بريفينگتە ىشكى ىستەر مينيسترلىگى توتەنشە جاعدايلار كوميتەتىنىڭ توراعاسى پولكوۆنيك ۆ.بەككەر ءمالىم ەتتى. جالپى جانعان القاپ­تاردىڭ اۋماعى 180 مىڭ گەكتار بولسا, كەلتىرىلگەن شىعىن كولەمى 230 ميلليون تەڭگەنى قۇراپ وتىر. كوميتەت توراعاسىنىڭ ايتۋىنشا, ورمان ورتتەرىنىڭ 80 پايىزعا جۋىعى ادامداردىڭ كە­لەڭسىز ءىس-ارەكەتتەرىنەن ورىن الادى. اسىرەسە, كوكتەم كەز­دە­رىندە ورمان ورتتەرىنىڭ تۋىنداۋى ازاماتتاردىڭ جانە اۋىل شارۋاشىلىعى ءونىمىن ءوندى­رۋشىلەردىڭ قۇرعاق ءشوپ پەن وزگە دە وراقتان كەيىنگى قالدىقتاردى جاعۋدان تۋىندايتىنى ەرەكشە اتالدى. بۇل رەتتە جىل باسىنان بەرى ورىن العان 27 ورمان ءورتىنىڭ تورتەۋى ءشوپ وسىمدىكتەرىن جا­عۋدان تۋىن­داعانىن ايتا كەتۋ كەرەك. ياعني, جاعۋ كەزىندە ءورت قاۋىپسىزدىگى تالاپتارى ساق­تالماعان. ۆلاديمير بە­ك­­­­كەر ءورتتىڭ قاۋىپتى كەزە­ڭى­نىڭ باستالۋىنا وراي تج كو­ميتەتىنىڭ اۋماقتىق ءبولىم­شەلەرى جەرگىلىكتى پوليتسيا قىزمەتىمەن جانە اتقارۋشى ورگاندارمەن بىرلەسىپ, دەمالىس جانە مەرەكە كۇندەرى ورمان مەن دالالى جەرلەردەگى ءورت قاۋىپسىزدىگىن بۇزۋشىلاردى انىقتاۋ ماقساتىندا رەيدتەرگە شىعاتىندىعىن ەرەكشە اتاپ كەتتى. الايدا, كوميتەت توراعاسى قا­جەتتى تەحنيكامەن قامتۋ ماسەلەسى اقساپ تۇرعاندىعىن, ناق­تى ايتقاندا 60 پايىزدان اسپايتىندىعىنا نازار اۋدارتتى. «رەيدتىك ءىس-شارالاردىڭ ارقاسىندا بىرلەسكەن ءموبيلدى توپتار رۇقسات بەرىلمەگەن جاعۋدىڭ, اۋىل شارۋاشىلىعى دالالارىندا قۇرعاق ءشوپتى باقىلاۋسىز جاعۋدىڭ, اڭىز بەن وتكەن جىلعى سابان قال­دىقتارىن جاعۋدىڭ, سونداي-اق اقمولا, جامبىل, باتىس قازاقستان, پاۆلودار جانە قوستاناي وبلىستارىنىڭ ورمان جانە دالا القاپتارىندا ءورت قاۋىپسىزدىگى قاعيدالارىن ساقتاماۋدىڭ 40 فاكتىسىن انىق­تادى», دەپ مالىمدەپ كەتتى ۆلا­ديمير روبەرتوۆيچ. كوميتەت توراعاسىنىڭ ءسوزى­نەن ءمالىم بولعانداي, قازىرگى تاڭدا مەملەكەتتىك ورتكە قارسى قىزمەت ءبولىم­­شەلەرى جوق ەلدى مە­كەندەردەگى ورتتەرگە دەن قويۋ ءۇشىن جەرگىلىكتى ات­قارۋشى ورگاندار 4367 ەرىكتى ورتكە قارسى قۇرىلىم قۇرىلعان. ولاردىڭ جا­راعىندا 7621 بىرلىك تەحنيكا بولسا, سونىڭ 348-ءى ءورت ءسوندىرۋ ءاۆتوموبيلى, 7273-ءى قاراپايىم قۇرالدار جانە 755 ءورت ءسوندىرۋ موتوپومپاسى بار. ەرىكتى ءورت ءسوندىرۋ قۇرىلىمىنىڭ قۇرامىندا 48201 ادام بار ەكەندىگىن دە اتاپ كەتكەن ورىندى. رەتى كەلگەندە كوميتەت توراعاسى قازگيدرومەت رمك مالىمەتتەرىنە جۇگىنە وتىرىپ, ەلىمىز اۋماعىندا ىستىق (30 س دەيىن جەتەتىن بولادى) اۋا رايىنىڭ ءورشۋى شىلدە ايىندا ورىن الاتىندىعىن تىلگە تيەك ەتە كەلىپ, باتىس جانە وڭ­تۇستىك وڭىرلەردە جاۋىن-شاشىننىڭ تاپشىلىعى بولجاناتىندىعىن جەت­كىزدى. سونداي-اق ۆ.بەك­كەر جازعى كەزەڭدەگى سۋ ايدىندارىندا ازاماتتاردىڭ قاۋىپسىزدىگى تۋرالى دا ءسوز ەتتى. اسقار تۇراپباي ۇلى, «ەگەمەن قازاقستان»