پاۆلوداردا تۇرعىن ءۇي قۇرىلىسىنا 2,2 ملرد. تەڭگە ءبولىندى

پاۆلودار. 25 مامىر. پاۆلوداردا جەرگىلىكتى بيۋدجەتتەن تۇرعىن ءۇي مەن جاتاحانا قۇرىلىسىنا 2,2 ملرد. تەڭگە قارجى ءبولىندى. وسىعان وراي وبلىس اكىمدىگى مەن «ورتالىق-ازيا وتىن-ەنەرگەتيكا كومپانياسى» اكتسيونەرلىك قوعامى اراسىندا بيزنەستىڭ الەۋمەتتىك جاۋاپكەرشىلىگى شەڭبەرىندە ءوزارا ءتيىمدى ارىپتەستىك تۋرالى مەموراندۋمعا قول قويىلدى. بۇل تۋرالى egemen.kz ءتىلشىسى حابارلايدى. پاۆلودار وبلىسىنىڭ اكىمى باقاۋوۆ بولات پەن كاسىپورىننىڭ ديرەكتورلار كەڭەسىنىڭ توراعاسى ەركىن ءامىرحانوۆ قول قويعان قۇجات ءوڭىردىڭ دامۋىنا, «پاۆلودارەنەرگو» اكتسيونەرلىك قوعامى كاسىپورىنىنىڭ جۇمىسشىلارىنا قاجەتتى تۇرعىن ءۇي باعدارلاماسىن جۇزەگە اسىرۋعا باعىتتالادى. «ورتالىق-ازيا وتىن-ەنەرگەتيكا كومپانياسى» وبلىس ورتالىعىندا جالپى اۋدانى 9 692 شارشى مەتردى قۇرايتىن كوپ قاباتتى تۇرعىن ءۇي, ستۋدەنتتەرگە ارنالعان 200 ورىندىق جاتاقحانانىڭ قۇرىلىسىن قارجىلاندىرادى. وبلىس اكىمدىگى ءوز تاراپىنان جەر ۋچاسكەسىن ءبولۋ, قۇجاتتاردى راسىمدەۋ, ينجەنەرلىك-كوممۋنيكاتسيالىق ينفراقۇرىلىمداردى تارتۋعا قولداۋ كورسەتەدى. كومپانيا وبلىس ورتالىعىنداعى «ەنەرگەتيك» پروفيلاكتوريىن, «ەلەكترونيك» بالالار ساۋىقتىرۋ لاگەرىنىڭ قىزمەتىنە قولداۋ كورسەتۋدە. ايتا كەتەيىك, اتالعان كومپانيا ەلىمىزدەگى «كاۋستيك», «قازاقستاننىڭ ەكسيمبانكى», «استانا-ينۆەست» ينۆەستيتسيالار ءۇيى» سەكىلدى بىرنەشە اكتسيونەرلىك قوعامدارىنىڭ اكتسيالارىنا يە. فاريدا بىقاي دەرەك: egemen.kz. فوتو: ۆالەري بۋگاەۆ.