دامۋ بولاشاعى ءسوز بولدى

كەشە ۇكىمەت ۇيىندە پرەمەر-مينيستر كارىم ءماسىموۆ حالىقارالىق ۆاليۋتا قورىنىڭ باسقارۋشى ديرەكتورى كريستين لاگاردپەن كەزدەسۋ وتكىزدى. تاراپتار اقشا-نەسيە ساياساتىن, قۇرىلىمدىق رەفور­مالار وتكىزۋدى جەتىلدىرۋ سالاسىنداعى, سون­داي-اق, قازاقستاننىڭ ەكونوميكالىق دامۋى­نىڭ ورتا مەرزىمدى پەرسپەك­تي­­ۆا­لارى ماسەلە­لەرى­نىڭ كەڭ اۋقى­مىن تالقىلادى. «سىزگە جانە ءسىز­­دىڭ مامان­دارىڭىزدان قۇرالعان كو­مان­داعا ىنتى­ماقتاس­تىق, تەح­­­ني­­كا­­­لىق قولداۋ جانە ۇسىنىس­تار ءۇشىن ال­عىس ايتامىن», دەدى ك.ءماسىموۆ. پرەمەر-مينيستر قازاقستان ۇكىمەتى سىرتقى جا­عىم­سىز فاكتور­لاردى جۇمسارتۋعا بار كۇش-جىگەرىن سا­لىپ جاتقانىن باسا ايتىپ, ەلدىڭ تۇراقتى دامۋىنا با­عى­ت­­­ت­ال­عان ينستيتۋتتىق رەفورمالار اياسىن­داعى ۇكى­مەت جۇزەگە اسىرىپ جاتقان شارا­لار جايلى مالىمدەدى. سونداي-اق, ول حۆق مۇشە­لەرىنە مەملەكەت باسشىسى ن.نازارباەۆتىڭ «استانا» حالىق­ارا­لىق قارجى ورتالىعىن قۇرۋ تۋرالى يدەياسىن تانىستىردى. ءوز كەزەگىندە ك.لاگارد «قازاقستان ۇلت­تىق قور قۇرىپ, دۇرىس جاسا­دى. بۇل اۋىرتپالىقتاردىڭ ءبىر بولىگىن جەڭىلدەتۋ ءۇشىن اقشا-نەسيە ساياساتىندا وڭتايلى تاسىلگە مۇمكىندىك بەرەدى», – دەدى. جانە دە حۆق وڭىرلىك كونفەرەنتسياسىنا قاتىسۋعا شاقىرعانى ءۇشىن العى­سىن ايتتى. «بۇل كەرەمەت باستاما دەپ ەسەپتەيمىن. مەنىڭ­شە, ونى پايدالى فورۋمعا اينال­دىرۋعا بولادى, ول جەردە قارجى مينيستر­لەرى ايماقتىق دەڭگەيدە ءبىر-بىرىمەن سۇحباتتاسا الار ەدى», دەپ اتاپ ءوتتى حۆق باسشىسى. سونىمەن قاتار, وسى كۇنى قازاقستان ۇكىمەتىنىڭ باسشىسى مەن حۆق-نىڭ باسقارۋشى ديرەك­تورى «ريكسوس» قوناق ۇيىندە شەتەل­دىك جانە قازاقستاندىق باق وكىلدەرى ءۇشىن ءباسپاسوز ءماس­لي­حاتىن وتكىزدى. كەزدەسۋ بارى­سىندا پرەمەر-مينيستر وسىدان ءبىرشاما ۋاقىت بۇرىن حالىقارالىق ۆاليۋتا قورىنىڭ وڭىرلىك كونفەرەنتسياسى ءوز جۇ­مىسىن اياقتاعانىن حابارلاي كەلە, وندا قىسقا جانە ورتا مەر­زىمدى پەرسپەكتيۆاعا ارنال­عان ۇنقاتىسۋ شارالارى تالقى­لان­عانىن اتاپ ءوتتى. جانە دە اتالعان كونفەرەنتسياعا حۆق باسقارۋشى ديرەكتورى كريستين لاگاردتىڭ قاتىسقاندىعى ءۇشىن ريزاشىلىق ءبىلدىردى. وڭىردەگى احۋالعا قاتىس­تى سىندارلى سۇحباتتاستىق پەن پىكىر الماسۋ بارىسىندا ءبىز ورتا مەرزىمدى كەلەشەكتە قىسقا مەر­زىمدى سىلكىنىستەرگە قارسى تۇرۋ شارالارىن تالقىلادىق, دەي كەلە ك.ءماسىموۆ كونفەرەنتسيا بارى­سىندا ماكروەكونوميكالىق سايا­سات نەگىزدەرى, مونيتورينگ جۇيە­سى ينستيتۋتتارىن نىعايتۋ قاجەت­تىلىگى, وڭىرلىك ينتەگراتسيا, قۇرى­لىمدىق رەفورمالاردى جۇزەگە اسىرۋ ماسەلەلەرى جان-جاقتى تال­قىعا تۇسكەنىن تىلگە تيەك ەتتى. كەلەسى كەزەكتە ءسوز العان كريستين لاگارد ەڭ اۋەلى ەلباسى نۇرسۇلتان نازارباەۆقا, ۇكى­مەت باسشىسى مەن ۇلتتىق بانك باسشىلىعىنا ريزاشىلىق بىلدىرە وتىرىپ, ءوزىنىڭ كەلۋىنەن باستاۋ العان كەزدەسۋلەردىڭ ماكروەكونوميكالىق ساياساتتى جان-جاقتى تالقىلاۋعا مۇمكىندىك تۋعىزعانىن اتاپ ايتتى. سونىمەن قاتار, نازارباەۆ ۋنيۆەرسيتەتتە جاھان­دىق جانە وڭىرلىك احۋال, سونداي-اق, قازاقستان, كاۆكاز جانە ورتا­لىق ازيا ءۇشىن سىن-قاتەر­لەر مەن ءمۇم­كىندىكتەر تاقى­رى­بىندا ءدارىس وقىپ, ستۋدەنت­تەر­مەن كەزدەسكەنىن كولدەنەڭ تارتتى. استانا – حالىقتىڭ تۇراق­تىلىعىن ايعاقتايتىن قالا, مەن بۇل قالاعا قۋانا-قۋانا تاعى كەلەمىن. بيىل تاۋەلسىزدىگىنە 25 جىل تولعالى وتىرعان قازاق­ستان مەملەكەتىنىڭ تابيعي رەسۋرس­تارى مەن بايلىعىن حالىق يگىلى­گىنە جۇمسايتىنى ەرەكشە اسەر قالدىردى. قازىرگى­دەي قيىن كەزەڭ­دەردە تىعىرىقتان جول تاپقان مەملەكەت رەتىن­دە قازاق­ستاننىڭ اقشا-نەسيە ساياساتىن جالعاستىرۋ باعىتىن­داعى رەسمي ورگاندارى پايدالانعان ءىس-قيمىلداردى قولدايمىز, دەدى. ەلميرا ماتىباەۆا, «ەگەمەن قازاقستان»