جۇكتەلگەن مىندەت جۇيەلى اتقارىلدى

مادەنيەت جانە سپورت ءمينيسترى ارىستانبەك مۇحامەدي ۇلىنىڭ حالىق الدىندا ەسەپ بەرۋ كەزدەسۋى ءوتتى. ەل تۇرعىندارى مادەنيەت, ونەر, سپورت, تىلدەردىڭ دامۋى, ۇكىمەتتىك ەمەس ۇيىمداردىڭ قىز­مەتى جانە ءدىن سالاسىنداعى وزدەرىن قىزىقتىراتىن سۇراقتارىنا مينيستردەن تىكەلەي جاۋاپ الدى. كەزدەسۋگە كەلگەن قالىڭ جۇرت­شىلىق قانا ەمەس, ەلىمىزدىڭ بارلىق ايماقتارىنىڭ تۇرعىندارى دا سۇراق قويۋ مۇمكىندىگىنە يە بولدى. وزگە وبلىستاردىڭ وكىلدەرى ءۇشىن مينيسترلىكتىڭ رەسمي سايتىندا سۇراق قويۋ فۋنكتسياسى بار ارنايى ءبولىم اشىلدى. كەزدەسۋ بارىسىندا ارىس­تان­بەك مۇحامەدي ۇلى مينيسترلىكتىڭ ەسەپ بەرۋ كەزىندەگى قىزمەتى تۋرالى بايانداپ, قۇزىرىنداعى سالا­لاردا اتقارىلىپ جاتقان جۇمىس­تار مەن مەملەكەتتىك ورگاننىڭ بولاشاق جوسپارلارىمەن ءبولىستى. ۆەدومستۆو باسشىسى بايان­دا­ماسىنىڭ باستى تاقىرىپتارى ەلباسىنىڭ بەس ينستيتۋتتىق رەفورماسىن ىسكە اسىرۋ بويىنشا «100 ناقتى قادام» ۇلت جوسپارى, قازاقستان رەسپۋبليكاسىنىڭ مادەني ساياسات تۇجىرىمداماسى جانە ت.ب. مەملەكەتتىك قۇجاتتاردا كوزدەلگەن ماقسات-مىندەتتەردى ورىنداۋ ءۇردىسىنىڭ وزەكتى ماسە­لەلەرىن قامتىدى. «ۇلت جوسپارىن ىسكە اسىرۋ ماقساتىندا 2015 جىلى سالانى جاڭعىرتۋعا باعىتتالعان 19 نورماتيۆتىك-قۇقىقتىق اكتى قابىلداندى. مادەنيەت سالاسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مادەنيەت جانە تاريحي-مادەني مۇرا ماسەلەلەرى بويىنشا وزگە­رىستەر مەن تولىقتىرۋلار ەنگىزۋ تۋرالى» قازاقستان رەسپۋب­ليكا­سىنىڭ زاڭى قابىلداندى», – دەدى مينيستر. «سونداي-اق, زاڭنىڭ نورمالارىن ىسكە اسىرۋ ماقساتىندا 2015 جىلى مادەنيەت جانە ونەر سالا­لارى بويىنشا سالالىق كوركەم­دىك كەڭەستەر قۇرىلىپ, تابىستى قىز­مەت ەتۋدە. مادەني ساياسات تۇجى­­رىم­­داماسىنا ەنگىزىلگەن وزگەرىس­تەر مەن تو­لىقتىرۋلار شەڭ­­­بە­رىن­­دە ءما­دەني-تۋريستىك كلاس­­­تەر­­لەردى ودان ءارى دامىتۋعا ەرەك­­شە ءمان بە­رىلدى», – دەدى ا.مۇ­حا­­­مە­دي ۇلى. سونداي-اق, كەلەر جىلى اس­تا­نادا وتەتىن ەكسپو-2017 حالىق­ارالىق كورمەسىنە ارنالعان كە­شەندى مادەني باعدارلاما ءازىر­لەن­گەنىن دە اتاپ ءوتتى. قازىرگى ۋاقىتتا قازاقستاننىڭ مادەنيەتتەگى مارتەبەسىن كوتەرىپ تۇرعان سالانىڭ ءبىرى كينو دەسەك ارتىق بولماس. باسقوسۋ بارىسىندا مينيستر بۇل تاقىرىپتى دا اينالىپ وتپەدى. «وتاندىق كينەماتوگرافيانىڭ ودان ءارى دامۋى ءۇشىن بيىل ەلىمىز­دە كينووندىرىسىن دامىتۋ تۇجى­رىم­داماسى جاسالادى. سونى­مەن قاتار, كينو تۋرالى بولەك زاڭ ازىرلەۋ ماسەلەسى دە قاراستى­رى­لۋدا, ويتكەنى, «مادەنيەت تۋرالى» زاڭدا ۇلتتىق كينووندىرىستى قولداۋعا بايلانىستى بارلىق اسپەكتىلەردى تولىققاندى قاراس­تىرۋ, سالانىڭ ۇزاقمەرزىمدى دا­مۋىنىڭ باسىمدىقتارىن انىق­تاۋ مۇمكىن ەمەس», – دەپ ءسوزىن جالعاستىردى مينيستر. بۇدان بولەك, ەسەپ بەرۋ اياسىندا وتاندىق سپورت جانە دەنە شىنىقتىرۋدىڭ دامۋ بولاشاعى, ريو-دە-جانەيروداعى وليمپيادا ويىندارىنا دايىندىق بارىسى دا باياندالدى. سونىمەن قاتار, «تىلدەردى دا­مىتۋ ءبولىمى قوعامدىق-ساياسي جۇ­­مىس سالاسىندا مينيسترلىك العا قوي­عان بارلىق مىندەتتەردى بەل­سەن­دى ىسكە اسىرۋدا», – دەدى مينيستر.­ ول 2015 جىلى مەملەكەتتىك ورگاندار, كىتاپحانالار, تىلدەردى دامىتۋ جانە ءبىلىم بەرۋ ءجونىن­دەگى ايماقتىق مەكەمەلەر بويىن­شا تاراتىلعان 6 سوزدىك, با­لا­لار ادەبيەتىنىڭ 10 ءتۇرى, 11 وقۋ-ءادىس­تەمەلىك قۇرالدار شىعا­رىلعان­دىعىن قوسا ايتتى. بالا­لار­­دىڭ سويلەۋ قابىلەتتەرىن دامى­تۋ بارىسىندا 15 تومنان تۇراتىن اۋديو­كىتاپتار جيناعى, 50 ءبولىم­دى انيماتسيالىق فيلم شىعا­رىلعانىن ماقتانىشپەن جەتكىزدى. تاتۋلىق پەن بەيبىت ءومىردى بەي­نەلەيتىن يسلام ءدىنىنىڭ كەلە­شەگى دە كەلەلى كەزدەسۋدە كەڭىنەن قوزعالدى. جيىن سوڭىندا مينيستر ەلىمىز­دىڭ دامۋىنا ەلەۋلى ۇلەس قوسىپ كەلە جاتقان مادەنيەت جانە سپورت مينيسترلىگىنىڭ الداعى ۋاقىتتا اتقارار قىزمەت اۋقىمى ۇلكەن ەكەنىن جانە جۇكتەلگەن مىندەتتەردى جۇمىلا كوتەرەتىندىكتەرىن العا تارتتى. راۋان قايدار, «ەگەمەن قازاقستان»