«اۆتوۆاز» جەتەكشىسى وسكەمەندەگى اۆتوزاۋىتقا قولداۋ كورسەتپەك

وسكەمەن. 24 مامىر. وبلىس اكىمى دانيال احمەتوۆ «اۆتوۆاز» اشىق اكتسيونەرلىك قوعامى پرەزيدەنتى نيكوليا مورمەن كەزدەستى. بۇل تۋرالى yk-news.kz-كە سىلتەمە جاساعان egemen.kz ءتىلشىسى حابارلادى. كاسىپورىن باسشىسى وسكەمەندە سالىنىپ جاتقان تولىق تسيكلدى جاڭا اۆتوكولىك زاۋىتىمەن تانىسۋعا كەلگەن بولاتىن. ءوڭىر باسشىسى مەن اۆتوكولىك كونتسەرنىنىڭ جەتەكشىسى وسكەمەندەگى «ازيا اۆتو قازاقستان» تولىق تسيكلدى اۆتوكولىك زاۋىتىنىڭ قۇرىلىسى بويىنشا رەسەيلىك-قازاقستاندىق بىرىككەن جوبانى جۇزەگە اسىرۋ جونىندە پىكىر الماستى جانە اتالعان جوبانىڭ ساتىمەن ىسكە اسۋىنا مۇددەلى ەكەندىكتەرىن ءبىلدىردى. ۇكىمەتتە دە تاراپتار اۆتوكولىك جوباسىن جۇزەگە اسىرۋدى جان-جاقتى تالقىلاعان بولاتىن. «بۇل مەنىڭ قازاقستانعا العاشقى ساپارىم. وسى ساپاردا وسكەمەندەگى جۇمىس ىستەپ تۇرعان جانە جاڭادان سالىنىپ جاتقان زاۋىتتاردا بولدىم. قولدانىستاعى زاۋىتتىڭ تازالىعى, جاقسى ساپاداعى ونىمدەر شىعارىلاتىنى بايقالدى. جاڭا زاۋىت – اۋقىمدى جوبا. ونىڭ قۇرىلىسىنا ۇلكەن مەملەكەتتىك قولداۋ كورسەتىلىپ وتىر. مەن بۇل جوبانىڭ ءوڭىر ءۇشىن ءتيىمدى بولاتىنىنا سەنىمدىمىن, – دەدى «اۆتوۆاز» پرەزيدەنتى نيكوليا مور. رەسەيلىك كونتسەرن باسشىسى قازاقستاندىق زاۋىتقا ءجيى كەلىپ تۇراتىنىن جانە قاجەتتى قولداۋ كورسەتەتىنىن جەتكىزدى. ايتا كەتەيىك, نيكوليا مور بيىل 15 ناۋرىزدا «اۆتوۆاز» پرەزيدەنتى بولىپ تاعايىندالعان. ال 4 ساۋىردە اكتسيونەرلەردىڭ شەشىمى كۇشىنە ەندى. دۋمان اناش. دەرەك, فوتو: yk-news.kz.