قوستانايدا امەريكا ازاماتىنا ايىپپۇل سالىندى

قوستاناي. 24 مامىر. قوستانايدا ەلىمىزدىڭ كوشى-قون تۋرالى زاڭ نورمالارىن بۇزعانى ءۇشىن كاليفورنيا شتاتىنان كەلگەن 25 جاستاعى گيلبەرت ۆاسكەس دەگەن ازامات اكىمشىلىك جاۋاپكەرشىلىككە تارتىلىپ, ايىپپۇل سالىندى. بۇل تۋرالى وبلىستىق سوتتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. قوستانايدىڭ ارنايى مامانداندىرىلعان سوتى امەريكانىڭ ازاماتىن اكىمشىلىك جاۋاپكەرشىلىككە تارتتى. وعان اكىمشىلىك قۇقىق بۇزۋشىلىق تۋرالى كودەكتى بۇزعانى ءۇشىن 85 مىڭ تەڭگە كولەمىندە ايىپپۇل سالىندى. شەتەلدىك قوستاناي قالاسىندا تىركەلگەن مەكەن جايىندا تۇرماعان, باسقا پاتەر جالداعان. سونىمەن قاتار, ول ءبىزدىڭ ەلگە كەلۋ ماقساتىن ۆيزادا «وقۋ» دەپ كورسەتكەنىمەن, رۇقساتسىز Step كۋرسىندا اعىلشىن تىلىنەن ساباق بەرگەن. وبلىستىق كوشى-قون پوليتسياسى باسقارماسىنىڭ باستىعى قايرات دۇتپاەۆ: «ەگەر ەلىمىزدىڭ زاڭىنا سايكەس رۇقسات قاعازى بولسا, امەريكالىق ازاماتتىڭ ءتىل ۇيرەتۋ كۋرسىندا ساباق بەرۋىنە, جالپى جۇمىس ىستەۋىنە ەشكىم كەدەرگى بولمايدى. سونىمەن قاتار, ول قالاعا كەلگەندە قازاقستاننىڭ زاڭدارىن تولىق ورىنداۋى ءتيىس», – دەدى. ءنازيرا جارىمبەتوۆا. دەرەك: قوستاناي وبلىستىق سوتتىڭ ءباسپاسوز قىزمەتى. فوتو: vk.com.