Toyota اقاۋى بار 1,5 ملن. كولىكتى كەرى قايتارادى

استانا. 24 مامىر. جاپونيانىڭ بەلگىلى Toyota اۆتوكونتسەرنى Takata كومپانياسى ورناتقان قاۋىپسىزدىك قاپشىعىنىڭ ولقىلىعىنا بايلانىستى اقش-تا 1,5 ميلليون كولىكتى كەرى قايتارادى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. مالىمەتتەر بويىنشا, بارلىعى 9 ۇلگىدەگى كولىكتەردە اقاۋى بار ەكەنى انىقتالدى. ولاردىڭ قاتارىندا 2006-2011 جىلدارى شىققان Corolla, Yaris, Sienna اۆتوموبيلدەرى بار. Toyota باسشىلىعىنىڭ مالىمدەۋىنشە, الدىڭعى ورىنداعى قاۋىپسىزدىك قاپشىعىنىڭ پيروپاترونى اۋىستىرىلادى. قازىرگى تاڭدا Toyota كونتسەرنى Takata كومپانياسى قاۋىپسىزدىك قاپشىعىن ورناتقان 4,7 ميلليوننان استام كولىكتى كەرى شاقىرعان. ايتا كەتەيىك, Takata 2014 جىلى ۇلكەن داۋدىڭ ورتاسىندا قالعان. اقش بيلىگى جول اپاتى كەزىندە قاۋىپسىزدىك قاپشىعىنىڭ دەر كەزىندە اشىلماي قالاتىنىن نەمەسە كۇتپەگەن ساتتە اشىلىپ, كولىك ىشىندەگى جولاۋشىلارعا زاردابىن تيگىزەتىنىن انىقتاعان. ايان ءابدۋالي. دەرەك, فوتو: تاسس.