Apple جاڭا iPhone سمارتفونىنىڭ باعاسىن ارزانداتپاقشى

استانا. 24 مامىر. ايگىلى Apple كومپانياسىنىڭ باسشىسى تيم كۋك جاڭا iPhone باعاسىنىڭ ارزان بولاتىنىن ايتتى. بۇل تۋرالى cnews.ru سايتىنا سىلتەمە جاساعان egemen.kz ءتىلشىسى حابارلادى. ءۇندىستاننىڭ NDTV تەلەارناسىنا بەرگەن سۇحباتىندا ول اتالعان تەلەفوننىڭ اقش-تان باسقا ەلدەردە قىمبات ەكەنىن مويىندادى. سالىق پەن تولەمدەردىڭ كوپتىگىنەن وسىنداي قادامعا بارۋعا ءماجبۇر بولعاندارىن, ال الداعى ۋاقىتتا وسى ولقىلىقتىڭ ورنىن تولتىرۋ ءۇشىن قولدان كەلگەننىڭ ءبارىن جاسايتىنىن مالىمدەدى. مالىمەتتەر بويىنشا, اقش-تا Iphone 6S باعاسى 600 دوللار كولەمىندە. ال قازاقستاندا تەڭگەگە شاققاندا 300 مىڭ تەڭگەگە جۋىق. كومپانيا 2015-2016 قارجى جىلىنىڭ I توقسانىندا رەكوردتى دەڭگەيدە 18,4 ميلليارد دوللار پايدا تاپتى. ايتا كەتەيىك, وسى جىلدىڭ ناۋرىز ايىندا Apple 4 ءديۋيمدى جاڭا iPhone SE سمارتفونىن تانىستىرعان. سىرتقى كەلبەتى 5S فورماسىنا ۇقساعانىمەن, فۋنكتسيالىق جاعىنان 6S ۇلگىسىمەن بىردەي قىزمەت اتقارادى. ال جاڭا گادجەت بولجام بويىنشا قىركۇيەك ايىندا تانىستىرىلادى. ايان ءابدۋالي. دەرەك, فوتو: cnews.ru.