ساردار سۇلتان

سۇلتان ءورازاليننىڭ 75 جىلدىق مەرەي­تويىنا ارنالىپ ل.ن.گۋميلەۆ اتىنداعى ەۋرازيا ۇلتتىق ۋني­ۆەر­سيتەتىندە وتكەن سالتاناتتى كەش «قازاق رۋحانياتىنىڭ ساردارى» دەپ اتالعان ەكەن. اكادەميك سەرىك قيراباەۆتان باستاپ جيىنعا قاتىسقان زيالى قاۋىم وكىلدەرىنىڭ بارشاسى ءبىراۋىزدان: «ءيا, ساردار دەسە دەگەندەي», دەگەن پىكىرگە توقتادى. شىن مانىندە دە, «مەم­لەكەت جانە قوعام قايراتكەرى, جازۋشى, تەلەدراماتۋرگ, قا­زاق تەلەۆيزياسىنىڭ نەگىزىن قا­لاۋشىلاردىڭ ءبىرى» دەپ شاشباۋىن كوتەرىپ تۇرعان از عانا انىقتاۋىشتان اقجولتاي ازاماتتىڭ ەلىنە سىڭىرگەن تولىمدى ەڭبەگى كورىنىس تاپ­قانداي. مەرەيتوي يەسىنىڭ اتىنا مەملەكەتتىك حاتشى گ.ابدىقالىقوۆادان, «نۇر وتان» پارتياسى توراعاسىنىڭ ءبىرىنشى ورىنباسارى م.قۇل-مۇحاممەدتەن, پرەزيدەنت اكىمشىلىگى باسشىسىنىڭ ورىن­­­­باسارى ب.مايلىباەۆتان, قازاقستان جازۋشىلار وداعى باسقارماسىنىڭ توراعاسى, سەناتور ن.ورازاليننەن, قا­زاق ۇلتتىق ونەر ۋني­ۆەرسيتەتىنىڭ رەكتورى ا.مۇسا­قو­جاەۆادان, تۋعان اۋىلى – اباي اۋدانىنىڭ اكىمى ت.مۇساپىربەكوۆتەن جانە باس­قالاردان كەلىپ تۇسكەن قۇت­تىقتاۋلار, كورسەتىلگەن قۇر­­مەت پەن جۇرەكجاردى لەبىز­دەر تۇلعا تۇعىرىن بيىكتەتە ءتۇسىپ, مەرەيىن اسىردى. اسىرەسە, كەڭەستىك كەزەڭدە جۇرتقا كەڭىنەن ايگىلەن­گەن تەلە­ديدار سۇحباتتارى, «قى­­­مىزحانا», «كەزدەسۋ», «ايتىس», «حالىق قازىناسى» سىندى تەلەحابارلارى تاۋەلسىز ەلىمىزدە ءتىل كوميتەتىنىڭ تۇڭ­عىش ءتور­اعاسى بولىپ, بىرەگەي مەم­لەكەتتىك ءتىل ساياساتىن قالىپ­تاستىرۋعا, قازاق ءتىلىنىڭ مارتەبەسىن كوتەرۋگە, «ءتىل تۋرالى» جاڭا زاڭنىڭ ازىرلەنىپ قابىلدانۋىنا باسى-قاسىندا ءجۇرىپ باسشىلىق جاساۋى قايراتكەرلىك قارىم-قا­بىلەتىن تانىتتى. ءماجىلىس دەپۋتاتتارى ق.سۇلتانوۆ, ا.تاسبولاتوۆ, «قازاقستان» ترك» اق باسقارما ءتورايىمى ن.مۇحامەدجانوۆا, «حابار» تەلەارناسىنىڭ پروديۋسەرى ر.كەرتاەۆ, بەلگىلى جازۋشى ءا.ساراي جانە باسقالار سۇل­تەكەڭنىڭ ناق وسىنداي شى­عارماشىلىق-ازاماتتىق كەل­­بەتىن تارقاتىڭقىراپ ايتتى. ل.ن.گۋميلەۆ اتىنداعى ەۋر­ازيا ۇلتتىق ۋنيۆەر­سي­تەتىنىڭ رەكتورى ە.سىدىقوۆ مەرەيتوي يەسىن «كۇلتەگىن» مەدالىمەن ماراپاتتاسا, ال­ماتىدان ارنايى جەتكەن ءال-فارابي اتىنداعى قازۇۋ وكىلى, اقىن, عالىم ب.جاقىپ وقۋ وردا­سىنىڭ التىن مەدالىن تابىستادى. سونداي-اق, ۋنيۆەرسيتەت باسپاسىنان «ونەگەلى ءومىر» سەرياسىمەن جارىق كورگەن «سۇلتان ورازالى» اتتى كىتاپتىڭ ءسۇيىنشى دانالارىن سىيعا تارتتى. جاڭا كىتاپتىڭ تۇساۋىن اكادەميكتەر س.قيراباەۆ پەن س.قاسقاباسوۆ كەستى. ساردار سۇلتەكەڭ دە ۇلىم دەپ ەمى­رەنگەن ەلىنە العىستى ءسوزىن ارنادى. نازار قاسىم