اقپاراتتار اعىنى

● استانادا وتكەن اۋىل­شارۋا­­شىلىق جارمەڭكەسىندە 336 توننا ءونىم ساتىلدى. وندا قالا تۇرعىندارىنا 500-دەن اس­تام تاۋار ءتۇرى ۇسىنىلىپ, ەت ءونىم­دەرى مەن جەمىس-جيدەكتەر با­زار باعاسىنان 10-15 پايىزعا تومەن بولدى. ● سەمەيدە «ۇدەمەلى ين­دۋس­تريالىق-يننوۆا­تسيا­­لىق دامۋ» باعدارلاماسى شەڭ­­­­­بەرىندە 4 ءىرى جوبا ىسكە قو­سىل­ماقشى. قالا اكىم­دىگى ءباسپاسوز قىزمەتىنىڭ حابا­ر­لاۋىنشا, وڭىردەگى ونەر­كاسىپ­تىك كەشەندى دامىتۋ پەرس­پەك­­تي­ۆالارى «100 قادام» ۇلت جوسپارىندا ايقىندالعان. ● سولتۇستىك قازاقستان وبلىسىندا جىل باسىنان بەرى 22,1 ملرد. تەڭگە ينۆەس­تيتسيا تارتىلدى. ال وڭىردەگى كاسىپورىندار 1 جىل ىشىندە 52,9 ملرد. تەڭگەنىڭ ءونىمىن وندىرگەن. مۇنىڭ 28,2 ملرد. تەڭگەسى اۋىلشارۋاشىلىق سالاسىنا تيەسىلى بولسا, 33,7 ملرد. تەڭگە وڭدەۋ ونەركاسىپتەرىنىڭ ۇلەسىندە. ● اقتوبە وبلىسىندا اۋىل جاس­تارىنا 8,3 پايىزدىق ءۇس­تەمەاقىمەن نەسيە بەرىلمەك­شى. وسى رەتتە «دامۋ» قورى مەن وبلىس اكىمدىگى قۇنى 900 ميلليون تەڭگە بولاتىن مەموراندۋمعا قول قويدى. بۇل ءوز كەزەگىندە 18-29 جاس ارالىعىنداعى جاستاردىڭ كاسىپ اشۋىنا مول مۇمكىندىك بەرەدى. ● شىمكەنتتە ەۋروپالىق قايتا قۇرۋ جانە دامۋ بانكىنىڭ جاڭا كەڭسەسى اشىلدى. ايتا كەتەيىك, اتالعان بانك 2005 جىلدان بەرى وڭىردەگى كاسىپكەرلەرگە قولداۋ كورسەتىپ, جالپى قۇنى 1 ملن. ەۋرودان اساتىن ماڭىزدى 180 جوبانى قارجىلاندىرعان. ● قىزىلوردادا العاش رەت ەت باعىتىنا ارنالعان قۇس فەرماسى اشىلدى. «جان اراي» شارۋا قوجالىعىنىڭ بۇل جوباسى 60 ملن. تەڭگەنى قۇراي­دى. قازىرگى تاڭدا فەرمادا تاۋىق­تىڭ «ليندا», «اگيدەل» جانە «پەكين» دەگەن تۇرلەرى وسىرىلەدى. ● اتىراۋ مۇناي وڭدەۋ زاۋىتى ءۇشىن سالماعى 220 تونن­ا بولاتىن جاڭا قۇرىلعى جاسال­دى. بۇل بىرەگەي قۇرىلعى قازاق­ستاندا جاسالعان. ءار كولون­نانىڭ ۇزىندىعى – 27 مەتر, ال ديامەترى 6 مەتردى قۇرايدى. ● وسى جىلدىڭ 3 ماۋسى­مىنان باستاپ اقتوبە – اتى­راۋ اراسىنا جاڭا پويىز قاتى­­نايتىن بولدى. بۇل تەمىر­جول كولىگى اپتاسىنا ءبىر رەت: اتى­راۋعا دەيىن 12 ساعات 13 مينۋت, ال اقتوبەگە دەيىن 11 ساعات 38 مينۋت ارالىعىندا ءجۇرىپ وتەدى. ● بيىل استاناداعى وقۋ­شىلاردىڭ جازعى دەمالىسىن ۇيىمداستىرۋعا قالا بيۋد­جەتىنەن 163 ملن. 502 مىڭ تەڭگە ءبولىندى. قالالىق ءبىلىم ءبولى­مى تاراتقان مالىمەتكە سۇيەنسەك, «باتىر» لاگەرىنە – 365 بالا, «بوروۆيچوك» ساۋىق­تىرۋ ورنىنا 140 بالا بارادى. ال لاگەرلەر جۇمىسىنا 106 ملن. 638 مىڭ تەڭگە قارجى قاراس­تىرىلعان. حابارلار ۇكىمەت, وبلىستىق اكىمدىكتەر سايتتارى, «قازاقپارات» اگەنتتىگى جانە «24kz» تەلەارناسىنىڭ دەرەكتەرى بويىنشا دايىندالدى