قۇرمەتتى قازاقستاندىقتار!
ءبىز, ەلىمىزدەگى ءدىني بىرلەستىكتەر وكىلدەرى, بارلىق وتانداستارىمىزدى جالپىۇلتتىق مەرەكە – قازاقستان حالقىنىڭ بىرلىگى كۇنى مەرەكەسىمەن قۇتتىقتايمىز.
بۇل كۇن ەلىمىزدە ءومىر ءسۇرىپ جاتقان بارلىق ەتنوستاردىڭ اۋىزبىرشىلىگىنىڭ, كەلىسىمى مەن باۋىرلاستىعىنىڭ كۇنى بولىپ تابىلادى. بۇل – قازاقستاندىق ءپاتريوتيزمنىڭ, اتامەكەنگە دەگەن شەكسىز سۇيىسپەنشىلىكتىڭ مەرەكەسى.
1 مامىر – ءوزارا سەنىمگە, دوستىق پەن سۇيىسپەنشىلىككە نەگىزدەلگەن ءبىزدىڭ كوپۇلتتى حالقىمىزدىڭ مەرەكەسى. بۇل – ەلىمىزدەگى تۇراقتىلىق پەن بولاشاققا دەگەن سەنىمنىڭ كەپىلى.
ءاربىر قازاقستاندىق جاراسىمى مول وسىنداي تاماشا كۇنى ۇلكەن جانە تاتۋ وتباسىنىڭ بولشەگى ەكەنىن ەرەكشە سەزىنەدى.
بىزدەرگە, ياعني ءدىني بىرلەستىكتەر وكىلدەرىنە ازاماتتارىمىزدىڭ ءوزارا ىنتىماقتاستىق سەزىمىن كورسەتۋلەرى ەرەكشە قىمبات, ويتكەنى, ول – ءتۇرلى ەتنوستار مەن ءدىني سەنىمدەردەن تۇراتىن ادامداردىڭ ءبىرتۇتاس قاۋىمداستىعىن قۇرايتىن قازاقستان حالقى اۋىزبىرشىلىگىنىڭ ايقىن ايعاعى.
قازاقستان حالقىنىڭ بىرلىگى كۇنى بارشاڭىزعا جاقسىلىق پەن مولشىلىق, باقىت پەن قۋانىش, اماندىق پەن مەيىرىم تىلەيمىز.
جاراتقاننىڭ راحىمىمەن الەمدە جانە ءاربىر شاڭىراقتا ارقاشان بەيبىتشىلىك, تىنىشتىق پەن بەرەكە بولسىن!