سەمەيدىڭ اكىمىن دە ىسكە قوستى
شىعىس قازاقستان وبلىسىنا قاراستى سەمەي شاھارىندا جىلۋدى پايدالانعانى ءۇشىن تولەماقى تولەمەگەندەرمەن كۇرەستىڭ تىڭ جولى تابىلدى. قالا اكىمى ەرمەك ءسالىموۆ قولى قالت ەتكەندە بورىشكەرلەرگە حابارلاسىپ, بەرەشەكتى تەزىرەك قايتارۋدى ءوزى ءوتىنەتىن بولىپتى. ال وسى دەمالىس كۇندەرى قالا باسشىسى قوڭىراۋ شالعان 15 تۇرعىننىڭ اراسىندا قارىزى 200 مىڭ تەڭگەگە دەيىن جەتكەندەر بار.
بۇگىندە قالاداعى جىلۋعا قارىزدىڭ جالپى كولەمى – 600 ميلليون تەڭگەگە جۋىق. بۇل كورسەتكىش جاقىن ارادا تومەندەۋى ءتيىس. اكىم حابارلاسقان سەمەيلىكتەردىڭ باسىم بولىگى قارىزدى 9 مامىر – جەڭىس كۇنىنە دەيىن تولەۋگە ۋادە بەرىپ وتىر.
– كەي تۇرعىندار اكىمنىڭ قوڭىراۋ سوققانىنا تاڭدانا قاراسا, كەيبىر جاندارعا ءبارىبىر, ال كەلەسى بىرەۋلەرى قارىز ەكەندىكتەرىن مويىنداسا دا تولەمەيتىندىكتەرىن ايتادى. ال ءبىز قارىزدى تەزىرەك جيناۋىمىز كەرەك. ۋاقىت تىعىز بولعاندىقتان, بۇل جۇمىسقا مەن دە كىرىستىم, – دەيدى قالا اكىمى ەرمەك ءسالىموۆ.
دۋمان اناش,
«ەگەمەن قازاقستان»
سەمەي