استانا. 30 ناۋرىز. جىلىوي اۋدانىندا جەرگىلىكتى پوليتسيا باسشىسىنىڭ ورىنباسارى پارامەن ۇستالدى. بۇل تۋرالى mail.ru-عا سىلتەمە جاساعان egemen.kz ءتىلشىسى حابارلادى.
اتىراۋ وبلىستىق سىبايلاس جەمقورلىققا قارسى كۇرەس ۇلتتىق بيۋروسىنىڭ حابارلاۋىنشا, اتالعان اۋداندا جەرگىلىكتى پوليتسيا باسشىسىنىڭ ورىنباسارى د. احيپوۆقا پارا الۋ دەرەگى بويىنشا ايىپ تاعىلىپ, قاماۋعا الىنعان.
«پوليتسيا مايورى جەرگىلىكتى كاسىپكەردى قورقىتۋ ارقىلى پارا العان», – دەيدى اتالعان دەپارتامەنت وكىلدەر.
ايتا كەتەيىك, د. احيپوۆتىڭ ۇستىنەن ءوز لاۋازىمىن اسىرا پايدالانىپ, كاسىپكەردەن اقشا تالاپ ەتتى دەرەگى بويىنشا قىلمىستىق ءىس قوزعالدى. ول قۇلسارى قالاسىنداعى بازاردا ساۋدامەن اينالىساتىن كاسىپكەردەن 30 مىڭ تەڭگە پارا الىپ جاتقان كەزىندە قولعا ءتۇستى. قازىرگى تاڭدا كۇدىكتى قاماۋعا الىنىپ, سوتقا دەيىنگى تەرگەۋ امالدارى جۇرگىزىلۋدە.
تالعات رايىمبەك.
دەرەك: mail.ru.
سۋرەت: nur.kz.