مانەرلەپ سىرعاناۋ. بۇگىن اقش-تىڭ بوستون قالاسىندا الەم چەمپيوناتى جالاۋىن كوتەرەدى. ءبىرىنشى كۇنى سپورتشىلار بيشىلەردىڭ مۇزداعى قىسقا باعدارلاماسىنان سىنعا تۇسەدى. بۇل جارىسقا قازاقستاننان دارىن ءجۇنىسوۆ پەن اناستاسيا حروموۆا شىعادى. كەلەسى كۇنى ەرلەر اراسىندا قىسقا باعدارلاما جارىستارى وتەدى. وندا ايدىنعا وليمپيا ويىندارىنىڭ قولا جۇلدەگەرى دەنيس تەن شىعادى. سول كۇنى تاعى ءبىر وتانداسامىز ەليزابەت تۇرسىنباەۆا ايەلدەر اراسىنداعى جارىسقا قاتىسادى.
حوككەي. قاراعاندىنىڭ «سارىارقا» كلۋبى كەلەسى ماۋسىمدا جوعارعى حوككەي ليگاسىندا وينامايدى. كوماندا باسشىلىعى بيىلعى كۇزدەن باستاپ پرەمەر-ليگانىڭ جارىستارىنا قاتىسۋ تۋرالى ءوتىنىش بەردى. بۇل سىنعا قاراعاندىنىڭ جاساعى ومبىنىڭ «اۆانگارد» كومانداسىنىڭ فارم-كلۋبى رەتىندە ونەر كورسەتەدى. پرەمەر-ليگا قۇرلىقتىق حوككەي ليگاسى كوماندالارىنىڭ فارم-كلۋبتارى قاتىساتىن جارىس بولادى. ول بيىلعى كۇزدەن باستاپ العاش رەت وتكىزىلەدى.
ۆولەيبول. ۇلتتىق ليگانىڭ ايەلدەر كوماندالارى اراسىنداعى قازاقستان چەمپيوناتى اياقتالدى.
بيىلعى ماۋسىمدا وسكەمەننىڭ «التاي» كومانداسى چەمپيون اتاندى. ولار ەكىنشى فينالدىق كەزدەسۋدە بىلتىرعى قازاقستان چەمپيونى تالدىقورعاننىڭ «جەتىسۋ» كلۋبىن 3:0 ەسەبىمەن ۇتتى. ءۇشىنشى ورىندى «ەرتىس-قازحروم» كومانداسى يەلەندى. پاۆلودارلىقتار «قاراعاندى» كلۋبىن 3:0 ەسەبىمەن جەڭدى.
تەننيس. قازاقستاندىق الەكساندر نەدوۆەسوۆ رەسەيدىڭ قازان قالاسىندا ءوتىپ جاتقان چەللەندجەر سەرياسى تۋرنيرىندە شيرەك فينالعا شىقتى. ول فينالدىڭ 1/8 بولىگىندە رەسەيلىك الەكسەي ۆاۋتيننەن 6:7(3), 7:6(4), 6:1 ەسەبىمەن ايلاسىن اسىردى. ونىڭ الدىندا وتانداسىمىز يتاليالىق فلاۆيو چيپوللدى 6:4, 6:3 ەسەبىمەن جەڭگەن. ەندى شيرەك فينالدا نەدوۆەسوۆ گەرمانيا وكىلى توبياس كامكەمەن كەزدەسەدى. ءتۋرنيردىڭ سىياقى قورى – 40 000 اقش دوللارى. ال اقش-تىڭ مايامي قالاسىندا ءوتىپ جاتقان «ماستەرس» تۋرنيرىندە قازاقستاننىڭ ءنومىرى ءبىرىنشى راكەتكاسى ميحايل كۋكۋشكين بوسنيالىق دامير دجۋمحۋردان 1:2 ەسەبىمەن ۇتىلىپ قالدى. ءبىرىنشى سەتتە كۋكۋشكين قارسىلاسىن 6:4 ەسەبىمەن جەڭسە, ودان كەيىنگى سەتتەردە 6:1 جانە 6:2 ەسەبىمەن ەسە جىبەردى.
«ەگەمەن-اقپارات».