ەلباسى نۇرسۇلتان نازارباەۆ بەلگيا كورولدىگىنە جۇمىس ساپارى اياسىندا بريۋسسەل قالاسىنا كەلدى, دەپ حابارلادى پرەزيدەنتتىڭ ءباسپاسوز قىزمەتى.
بريۋسسەل قالاسىنا كەلگەن مەملەكەت باسشىسى «مالبەك» مەترو ستانساسىندا 22 ناۋرىزدا بولعان تەررورلىق اكت قۇرباندارىن ەسكە الىپ, گۇل شوقتارىن قويۋ راسىمىنە قاتىستى.
قازاقستان پرەزيدەنتى وسى ءراسىم اياسىندا بريۋسسەل استانالىق ءوڭىرى ۇكىمەتى باسشىسىنىڭ ورىنباسارى گ.ۆانحەنگەلمەن اڭگىمەلەسىپ, قايعىلى وقيعاعا بايلانىستى كوڭىل ايتتى.
– قازاقستان تەرروريزمنىڭ كەز كەلگەن كورىنىسىن ايىپتايدى جانە بەلگيا حالقىنىڭ قايعىسىنا ورتاقتاسادى. زارداپ شەككەندەردىڭ تەزىرەك ساۋىعىپ كەتۋىنە, ال قازا بولعانداردىڭ تۋعان-تۋىستارى مەن جاقىندارىنىڭ وسى قاسىرەتتەن تەزىرەك ەڭسە تىكتەۋىنە تىلەكتەستىگىمدى بىلدىرەمىن, – دەدى نۇرسۇلتان نازارباەۆ.
بەلگياعا ساپار اياسىندا, سونداي-اق, قازاقستان پرەزيدەنتىنىڭ ەۋروپالىق كەڭەس توراعاسى د.تۋسكپەن جانە ەۋروپالىق كوميسسيا توراعاسى ج.-ك.يۋنكەرمەن كەزدەسۋى جوسپارلانىپ وتىر.
سۋرەتتى تۇسىرگەندەر
س.بوندارەنكو, ب.وتارباەۆ.