[caption id="attachment_26651" align="aligncenter" width="560"] CREATOR: gd-jpeg v1.0 (using IJG JPEG v62), quality = 90[/caption]
ءوڭىردىڭ 2015 جىلعى الەۋمەتتىك-ەكونوميكالىق دامۋ كورسەتكىشتەرى جانە الداعى مەجەلەر تۋرالى تۇرعىندار الدىندا بەرگەن ەسەبىندە ايماق باسشىسى ەرىك سۇلتانوۆ قانت زاۋىتىنىڭ سالىناتىنىن مالىمدەدى.
مەملەكەت باسشىسىنىڭ اۋىلشارۋاشىلىق ونىمدەرىن قايتا وڭدەۋ كولەمىن ۇلعايتۋ ءجونىندەگى تاپسىرماسىنا وراي بىلتىر بۇل سالاعا ءبىر ميلليارد تەڭگەدەن استام ينۆەستيتسيا تارتىلىپ, بەس جوبا جۇزەگە اسىرىلسا, 2020 جىلعا دەيىن قابىلدانعان اۋماقتىق جوسپار اياسىندا 138 ميلليارد تەڭگە قارجىعا 60 كاسىپورىن قۇرۋ مىندەتى تۇر. ولاردىڭ اراسىندا ءسولتۇستىكقازاقستاندىقتار ءۇشىن جاڭا باعىت بولىپ تابىلاتىن اس تۇزى, بالىق, قانت ءوندىرۋ, ءجۇن ءجانە تەرى وڭدەۋ سەكىلدى سەرپىندى باعدارلامالار بار.
ال, شال اقىن اۋدانىندا بوي كوتەرەتىن قانت زاۋىتىنا «ترانساگروينۆەست» كومپانياسى قارجىلىق قولداۋ كورسەتىپ, قوماقتى قارجى قۇيىپ وتىر. قۇرىلىسى بيىل باستالۋعا ءتيىستى كاسىپورىن ىسكە قوسىلعان جاعدايدا جوبالىق قۋاتتىلىعى بويىنشا جىلىنا 8 مىڭ تونناعا دەيىن ءونىم وندىرۋگە قاۋقارلى. اۋىلدىقتار جاڭا جۇمىس ورىندارىمەن قامتاماسىز ەتىلىپ, قانتپەن وبلىس سۇرانىسىنىڭ جارتىسىنا جۋىعى وتەلەتىن بولادى.
بۇگىندە قۇرىلىس جۇمىستارى ءۇشىن جەر تەلىمدەرى ءبولىنىپ, قاجەتتى قۇجاتتار ازىرلەنگەن.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.