كەشە ەلورداداعى كونگرەسس-حولل سارايىندا استانا قالاسى اۋماقتىق سايلاۋ كوميسسياسى الداعى پارلامەنت ءماجىلىسى جانە جەرگىلىكتى ءماسليحاتتار دەپۋتاتتارى سايلاۋىنا بايلانىستى سەمينار وتكىزدى.
«قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس جانە بارلىق دەڭگەيدەگى ءماسليحاتتار دەپۋتاتتارىنىڭ كەزەكتى سايلاۋى ماڭىزدى ساياسي وقيعا سانالادى. بۇل رەتتە سايلاۋدى ۇيىمداستىرۋشىلارعا, ونىڭ ىشىندە سايلاۋ ۇدەرىسىنە قاتىسۋشىلارعا زور جاۋاپكەرشىلىك جۇكتەلەدى», – دەدى جيىنعا قاتىسقان ورتالىق سايلاۋ كوميسسياسى توراعاسىنىڭ ورىنباسارى ۆلاديمير فووس.
سونداي-اق, ول سايلاۋ كوميسسيالارىنىڭ جەرگىلىكتى اتقارۋشى ورگاندارمەن, ۇكىمەتتىك ەمەس ۇيىمدارمەن, ازاماتتىق قوعام ينس-
تيتۋتتارىمەن, بايقاۋشىلارمەن جانە باق وكىلدەرىمەن ءوزارا ءىس-قيمىلدىڭ تيىمدىلىگىن ارتتىرۋ ماسەلەسىن دە اتاپ ءوتتى. ونىڭ اتاپ ءوتۋىنشە, بىرلەسە, جۇمىلا اتقارعان جۇمىستار سايلاۋ زاڭناماسى نورمالارىن ساقتاۋدىڭ بۇلجىماس شارتى بولىپ تابىلادى.
سودان كەيىن ءسوز العان ورتالىق سايلاۋ كوميسسياسىنىڭ مۇشەسى مارات سارسەمباەۆ بۇگىنگى كۇنى ەقىۇ/دياقب جانە تمد ميسسيالارىنان, سونىمەن بىرگە, يسلام ىنتىماقتاستىعى ۇيىمى مەن شەت مەملەكەتتەردەن 155 بايقاۋشى, ال ەلىمىزدىڭ سىرتقى ىستەر مينيسترلىگى تاراپىنان 25 مەملەكەتتەن شەتەلدىك بۇقارالىق اقپارات قۇرالدارىنىڭ 105 وكىلى اككرەديتتەلگەنىنەن حاباردار ەتتى.
سەميناردا سايلاۋ ناۋقانىن ماتەريالدىق-تەحنيكالىق جانە قۇقىقتىق قامتاماسىز ەتۋ ماسەلەلەرى دە تالقىلاندى.
ءاليسۇلتان قۇلانباي,
«ەگەمەن قازاقستان».