ءتورت جۇلدىزدى قوناقۇي

وندا مەيرامحانا, كونفەرەنتس-زال, جاتتىعۋ الاڭى ورنالاسقان جالپى اۋماعى ءۇش مىڭ شارشى مەتر جەردى الىپ جاتقان «GREEN WHICH» ءتورت جۇلدىزدى قوناق ءۇيىنىڭ سالتاناتتى اشىلۋىنا وبلىس اكىمى ەرىك سۇلتانوۆ قاتىسىپ, بۇل قادام شەتەلدىك ينۆەستورلارمەن وتكىزىلگەن ەكىجاقتى بيزنەس-فورۋم شەڭبەرىندە جۇزەگە اسقان سەرپىندى جوبا بولىپ تابىلاتىنىن اتاپ كورسەتتى. كىرسە, شىققىسىز ءتورت قا­باتتى عيماراتتىڭ ىشكى-سىرتقى بەزەندىرىلۋىمەن استانالىق «سەرگەي فيلاتوۆ» ديزاين ستۋدياسى اينالىسىپ, تابيعات-انانىڭ بەينەسىمەن استاستىرىپ, جاسىل تۇسكە ەرەكشە باسىمدىق بەرگەنى اڭعارىلادى. قوناقۇيدىڭ باسقارۋشى مەنەدجەرى انار شايمۇقانوۆانىڭ سوزىنە قاراعاندا, جيھازداردىڭ باسىم كوپشىلىگى ارنايى تاپسىرىسپەن اۆستريالىق اعاشتان جاسالعان. قۇرىلىس جۇمىستارىنا ەكولو­گيالىق جاعىنان تازا جەرگىلىكتى ماتەريالدار دا پايدالانىلعان. ستاندارت, بيزنەس, جارتىلاي ليۋكس, ليۋكس, پرەزيدەنتتىك ساناتتارعا بولىنەتىن 40 ءبول­مە­دە سەرۆيستىك قىزمەت كورسەتۋ­دىڭ بارلىق جاعدايلارى قاراستى­رىلعان. مەيماندار ءۇشىن مەيرامحانا, كونفەرەنتس-زال, جاتتىعۋ, سپورت الاڭدارى جۇمىس ىستەيدى. ءومىر ەسقالي «ەگەمەن قازاقستان». پەتروپاۆل.