«قورعاس» شەكارالىق باقىلاۋ وتريادىنىڭ شەكاراشىلارى حالىقارالىق شەكارا بويى ىنتىماقتاستىعىنىڭ ساۋدا ورىندارىنان جاياۋ قايتىپ كەلە جاتقان ءۇش قازاقستاندىقتان جاريالانىمسىز زاتتار تاپتى. ولاردىڭ بىرىنەن, ياعني 38 جاستاعى باعدات ەسىمدى ازاماتتان سالماعى 300 كگ. بولاتىن حالىق تۇتىناتىن تاۋار تاركىلەندى. ەكىنشىسى 39 جاستاعى شىنار ەسىمدى ازاماتشا كيىمىنىڭ ىشىنە 10 دانا ايفون ۇيالى تەلەفوندارىن جاسىرىپ الىپ وتپەك بولىپتى. ال 38 جاستاعى تيمۋر ەسىمدى ازامات تا تۋرا الدىڭعى اتالعان ازاماتشا سەكىلدى, قوينى-قونىشىن ايفونعا تولتىرىپ العان ەكەن. ودان دا 10 دانا ۇيالى تەلەفوندار تابىلدى. ۇستالعاندار زاتتارىمەن «التىنكول» كەدەن بەكەتىنىڭ قىزمەتكەرلەرىنە تابىستالدى, دەپ حابارلادى ۇقك شق ءباسپاسوز قىزمەتى.