پەتروپاۆل. 29 قاڭتار. قىزىلجار اۋدانىنىڭ تۇرعىنى مەملەكەتتىك قورىق اۋماعىنان جازىقسىز دالا جانۋارلارىنا مىلتىق كەزەپ, بەسەۋىن سۇلاتىپ تۇسىرگەن. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen ءتىلشىسى حابارلادى.
«قىزىلجار اۋدانىنىڭ 27 جاستاعى تۇرعىنى دولماتوۆو اۋىلى جانىنان ۇستالدى. ونىڭ كولىگىنىڭ جۇك سالعىشىنان بەس ەلىكتىڭ ەتى تابىلىپ, ساراپتاماعا جىبەرىلدى. براكونەردەن اڭشى مىلتىقتارى تاركىلەندى», – دەدى پوليتسەيلەر.
بۇگىندە اڭشىعا قاتىستى قىلمىستىق كودەكتىڭ 337-بابى (زاڭسىز اڭشىلىق) بويىنشا قىلمىستىق ءىس قوزعالىپ, سوتقا دەيىنگى تەرگەۋ امالدارى باستالدى. ول ەندى 5 جىلعا دەيىن باس بوستاندىعىنان ايىرىلۋى نەمەسە 5 مىڭ ايلىق ەسەپتىك كورسەتكىش مولشەرىندە (10 ميلليون تەڭگە) ايىپپۇل تولەۋى مۇمكىن.
ءومىر ەسقالي.
دەرەك, سۋرەت: وبلىستىق ىشكى ىستەر دەپارتامەنتىنىڭ ءباسپاسوز قىزمەتى.