ساتۋشىلارعا ساباق وقيعا

قاراعاندىداعى سۋپەر­مار­كەتتىڭ ساتۋشىلارىنان مازا كەتتى. ولار ادامنىڭ كوزىن زاماتتا بايلاپ, تاقىر­عا وتىرعىزىپ كەتەتىن كەلىن­شەكپەن كەزدەسۋگە جاتپاي-تۇرماي ازىرلەنىپ جاتىر... تاياۋدا قاراعاندىداعى ءدۇ­كەندەردىڭ بىرىندەگى بەي­ناباقىلاۋ كامەراسى ءتۇ­سىر­گەن كادر بۇكىل ەلىمىزدىڭ سۋ­پەرماركەتتەرىن شارلاپ كەتتى. بۇل كورىنىستە كليەنت ايەل العان تاۋارىنا اقشا تولەمەي كاسسيردىڭ الدىنان وپ-وڭاي ءوتىپ كەتكەن. ءتىپتى, ساتۋشى قىز وعان ۇساق اقشا قايتارىپ بەرىپتى. كاسسير قىزدىڭ ايتۋىنشا, بالەندەي قۋلىقتى بايقاي قويماعان, باسىنىڭ قالاي اينالعانىن دا سەزبەپتى. ال پسيحولوگ گالينا بۋ­لا­ۆەنكو وسى جايتقا قا­تىستى مىناداي وي ايتتى: «بۇل جەردە ەريكسوندىق گيپنوز قولدانىلۋى مۇمكىن. نەگىزى, ساتۋشى مىناداي الگوريتم-ءتارتىپ بويىنشا جۇمىس ىستەيدى: الدىمەن تۇبىرتەكتى تەسەدى. ەكراننان تسيفردى, ونان كەيىن كليەنتتىڭ قو­لىن­داعى كۋپيۋرانى كو­رەدى. سول كەزدە ول اۆتومات­تى تۇردە قايتارىپ بەرەتىن سومانى ەسەپتەي باستايدى. ال الاياق ايەل بولسا كۋپيۋرانى كورسەتتى دە, قايتىپ الا قويدى. سول كەزدە ساتۋ­شىنىڭ وي مەحانيزمى ىسكە قوسىلىپ, اۆتو­ماتتى تۇردە قالدىق اق­شانى قولىنا ۇس­تاتا بەردى...». وبلىستىق ىشكى ىستەر دە­پارتامەنتىنىڭ ءباسپاسوز قىز­مەتى حابارلاعانداي, ءازىر­گە زارداپ شەگۋشى جاقتان ارىز تۇسپەگەن. كەلتىرىلگەن شى­عىن سونشالىقتى كوپ ەمەس ەكەن. بىراق بۇل وقيعانىڭ سا­تۋشىلارعا اششى ساباق بولارى ايدان انىق. قايرات ءابىلدينوۆ, «ەگەمەن قازاقستان». قاراعاندى.