سىبايلاس جەمقورلىققا قارسى كۇرەس

كوميسسيانىڭ كەزەكتى ماجىلىسىندە قارالدى اقوردادا مەملەكەتتىك حاتشى – سىرتقى ىستەر ءمينيسترى قانات ساۋداباەۆتىڭ توراعالىق ەتۋىمەن قازاقستان رەسپۋبليكاسى پرەزيدەنتىنىڭ جانىنداعى سىبايلاس جەمقورلىققا قارسى كۇرەس ماسەلەلەرى جونىندەگى كوميسسيانىڭ كەزەكتى وتىرىسى بولدى. كۇن تارتىبىندە توتەنشە جاع­داي­لار مەن قورشاعان ورتانى قورعاۋ ورگاندارىنىڭ, سونداي-اق سىبايلاس جەمقورلىققا قارسى كۇرەستىڭ مەملەكەتتىك, وڭىرلىك باع­دارلامالارىن ىسكە اسىرۋ بويىنشا اتىراۋ, قىزىلوردا وبلىستارى­نىڭ اكىمدىكتەرى قىزمەتتەرىندە سىبايلاس جەمقورلىققا قارسى ءىس-قيمىل بويىنشا اتقارىلعان شارالاردى تالقىلاۋ بولدى. “سىبايلاس جەمقورلىققا قارسى كۇرەستىڭ قوعام مەن مەملەكەت قاۋىپ­سىزدىگىنىڭ ماڭىزدى فاكتورى بولۋى زاڭدى. وسى سەبەپتى پرەزي­دەنتىمىز وعان باسا نازار اۋدارىپ وتىر” دەدى كوميسسيا وتىرىسىندا توراعا. ال اتقارىلعان جۇمىس ءناتي­جە­لەرى تۋرالى توتەنشە جاعداي­لار جونىندەگى جانە قورشاعان ورتانى قورعاۋ مينيسترلەرى ۆ.بوجكو مەن ن.ءاشىموۆ باياندامالار جا­سادى. اتىراۋ وبلىسىنىڭ اكىمى ب.رىسقاليەۆ, قىزىلوردا وبلىسى­نىڭ اكىمى ب.قۋاندىقوۆ سىبايلاس جەمقورلىققا قارسى كۇرەستىڭ 2006-2010 جىلدارعا ارنالعان وڭىرلىك باعدارلامالارىن ىسكە اسىرۋ جونىندە ەسەپتەر بەردى. وتىرىس قورىتىندىسى بويىن­شا كوميسسيا ءتيىستى مەملەكەتتىك ور­گان­دارعا ءوز قاتارلارىندا جەمقور­لىقتى بولدىرماۋ, كادرلارمەن ءتيىستى جانە اشىق جۇمىس ىستەۋ, مەملەكەتتىك قىزمەت كورسەتۋ ستاندارتتارىن مۇلتىكسىز ساقتاۋ مەن ونىڭ ساپاسىن كوتەرۋ جايى جان-جاقتى اڭگىمە ارقاۋىنا اينالىپ, 2006-2010 جىلدارعا ارنالعان مەملەكەتتىك جانە ءوڭىر­لىك باعدارلامانى, ەلباسىنىڭ سىبايلاس جەمقورلىققا قارسى كۇرەستى كۇشەيتۋ جونىندەگى تاپ­سىرمالارىن ىسكە اسىرۋ بويىنشا جۇيەلى جۇمىستار جۇرگىزۋگە ۇسى­نىم جاسالدى. سۇلەيمەن مامەت.