اۋدان ورتالىعى باياناۋىلدا اۋەلدەن قۇرىلىسى باستالعان بۇل ءزاۋلىم عيمارات 600 وقۋشىعا ارنالعان مەكتەپ-ينتەرنات بولادى دەپ جوسپارلانعان ەدى. تاۋ باۋرايىندا وتىرعان اۋىلداردان كەلىپ وقيتىن بالا سانى جەتىڭكىرەمەدى. قۇرىلىسى دا ەكى-ءۇش جىلداي كەشەۋىلدەپ قالدى. كەڭەسىپ پىشپەگەن توننىڭ كەلتە بولعانى دا راس. وسىدان كەيىن كەيبىر باسشىلاردان كەتكەن وسىنداي كەمشىلىكتى تۇزەپ, وبلىس اكىمى باقىتجان ساعىنتاەۆتىڭ تاپسىرماسىمەن بۇل ءۇي بالالارعا ارنالعان وقۋ-ساۋىقتىرۋ ورتالىعىنا اينالدى. اسەم باياناۋىلدىڭ تابيعاتى بالالاردىڭ جاقسى دەمالىپ, دەنساۋلىقتارىن شىڭداۋعا شيپا بولارى ءسوزسىز. جاز بويى ورتالىقتا وبلىستىڭ اۋىل, اۋدان ورتالىقتارىندا تۇراتىن 134 وقۋشى دەمالىپتى.
ولاردىڭ قاتارىندا وقۋ وزاتتارى, ءپان وليمپيادالارىنىڭ جەڭىمپازدارى, جەتىمدەر مەن از قامتاماسىز ەتىلگەن وتباسىلاردىڭ بالالارى بار. ورتالىقتىڭ بالالار ءۇشىن جىل بويى ەسىگى اشىق. مۇندا جىلدىڭ ءار مەزگىلىندە كەلەتىن بالالار ەكى-ءۇش اپتا دەمالىپ قايتادى. وقۋشىلاردىڭ ساباقتان قول ءۇزىپ قالماۋلارى ءۇشىن بارلىق جاعداي جاسالدى. مۇندا تاجىريبەلى مۇعالىمدەر, سپورت ماماندارى, دارىگەرلەر قىزمەت جاسايدى.
فاريدا بىقاي, پاۆلودار وبلىسى.