“قۇس كۇنى”

قورعالجىندا تۇڭعىش رەت “قوقيقاز-2010” فەستيۆالى وتكىزىلدى كوكشەتاۋدا وبلىستىق سپورت ءجا­نە تۋريزم باسقارماسى مەن قور­­عال­جىن اۋدانىنىڭ اكىمدىگى تۋعان جەردىڭ تابيعاتى مەن اڭ-قۇستارىن قورعاۋ, ەكولوگيالىق ءتۋريزمدى ناسيحاتتاۋ, تابيعاتقا جاناشىرلىق سەزىمىن قالىپتاستىرۋ ماقساتىندا تۇڭعىش رەت “قوقيقاز-2010” فەستيۆالىن ءوت­كىزدى. ونى وبلىستىق ءماسليحات حات­شىسىنىڭ مىندەتىن اتقارۋشى گالينا مارچەنكوۆا, قورعالجىن اۋدانى مەن كوكشەتاۋ قالاسى اكىمدەرىنىڭ ور­ىنباسارلارى ساعادات اققوجينا, اينا مىسىر­الىموۆا قۇتتىقتاۋ ءسوز­بەن اشىپ, فەستيۆال­دىڭ ماڭىزدى­لى­عىن اتاپ ءوتتى. بۇۇ دامۋ باعدارلاماسىنا ەن­گىزىلگەن قورعالجىن مەملەكەتتىك قو­رىعى 542 گەكتار اۋماقتى الىپ جات­قان الەمدەگى ەڭ ۇلكەن قورىق سانا­لادى. مۇندا قۇستىڭ 346, وسىمدىكتىڭ 347, جاندىكتەردىڭ 1000-نان استام جانە بالىقتىڭ 14 ءتۇرى تىركەلسە, “قىزىل كىتاپقا” ەنگىزىلگەن قۇستىڭ 46 ءتۇرى ۇيا سالادى. بارشامىزدىڭ ماقتانى­شى­مىزعا اينالعان سيرەك قۇس – قوقي­قاز­دىڭ سانى 65 مىڭنان اسىپ جىعىلادى. بۇل شەتەلدىك تۋريستەردى دە ايرىقشا قىزىقتىرۋدا. ماسەلەن, بىلتىر قورىقتىڭ “ەسىك اشار” كورمەسىن ون مىڭنان استام ادام تاماشالادى. قورىق ديرەكتورىنىڭ ورىن­با­سارى بوريس رىباكوۆ تۋريزم يندۋس­ترياسىن دامىتۋ باعىتىنداعى ات­قارىلعان جۇمىستار مەن الداعى جوسپارلار تۋرالى كەڭىنەن اڭگىمەلەدى. ءۇش باعىتتا ۇيىمداستىرىلاتىن تانىمدىق ساياحات كارتاسى تانىس­تى­رىلدى. سونداي-اق, ۇلتتىق قولونەر جانە قىلقالام شەبەرلەرىنىڭ بايقاۋى ۇيىمداستىرىلىپ, جەڭىمپازدار ماراپاتتالدى. باقبەرگەن االبەك, اقمولا وبلىسى.