كەشە اقوردادا مەملەكەت باسشىسى نۇرسۇلتان نازارباەۆ پرەمەر-مينيستر كارىم ءماسىموۆتىڭ, پرەزيدەنت اكىمشىلىگىنىڭ باسشىسى اسلان ءمۋسيننىڭ جانە پرەزيدەنتتىڭ كومەكشىسى باقىت سۇلتانوۆتىڭ قاتىسۋىمەن كەڭەس وتكىزدى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
كەڭەستىڭ بارىسىندا اڭگىمە قازاقستاننىڭ يندۋستريالىق-يننوۆاتسيالىق دامۋ ستراتەگياسىن ىسكە اسىرۋدىڭ قارقىنى مەن ساپاسى تۋرالى بولدى, ستراتەگيا اياسىندا قازىردىڭ وزىندە 74 جاڭا ءوندىرىس اشىلدى جانە جىل اياعىنا دەيىن تاعى وسىنشا كاسىپورىن ىسكە قوسىلۋى ءتيىس. سونداي-اق ۇكىمەت باسشىسى پرەزيدەنتكە كەلەسى جىلعا ارنالعان مەملەكەتتىك بيۋدجەتتى قالىپتاستىرۋدىڭ بارىسى جانە ءبىرىنشى جارتىجىلدىقتاعى ەل دامۋىنىڭ نەگىزگى ەكونوميكالىق كورسەتكىشتەرى تۋرالى بايانداپ بەردى.
كەڭەس قورىتىندىسى بويىنشا مەملەكەت باسشىسى بىرقاتار تاپسىرمالار بەردى.
سۋرەتتى تۇسىرگەندەر س.بوندارەنكو, ب.وتارباەۆ.