كەشە تاجىكستاننىڭ سوعدا وبلىسىنىڭ ورتالىعى حۋدجاند قالاسىندا ۇجىمدىق قاۋىپسىزدىك شارتى ۇيىمىنا (ۇقشۇ) قاتىسۋشى مەملەكەتتەر قاۋىپسىزدىك كەڭەستەرى حاتشىلارى كوميتەتىنىڭ كەزەكتى وتىرىسى بولىپ ءوتتى. وعان قازاقستاندىق دەلەگاتسيانى پرەزيدەنتتىڭ كومەكشىسى – قاۋىپسىزدىك كەڭەسىنىڭ حاتشىسى نۇرلان ەرمەكباەۆ باستاپ باردى.
وتىرىستا وسى ۇيىمنىڭ باس حاتشىسى نيكولاي بورديۋجا حالىقارالىق قاۋىپسىزدىكتىڭ نەعۇرلىم وتكىر پروبلەمالارى مەن ۇقشۇ-عا قاتىسۋشى مەملەكەتتەردىڭ شاقىرۋلار مەن قاتەرلەردىڭ الدىن الۋ جونىندەگى شارالارى تۋرالى بايانداما جاسادى.
قاۋىپسىزدىك كەڭەسى حاتشىلارىنىڭ وتىرىسى بارىسىندا تاراپتار اۋعانستانداعى جاعدايدىڭ ۇقشۇ جاۋاپكەرشىلىگىندەگى وڭىرگە تيگىزەتىن اسەرى, تەررورلىق ۇيىمدار قىزمەتىنىڭ ىرىتكى سالۋ ارەكەتتەرىنە قارسى تۇرۋ شارالارى تۋرالى, سونداي-اق, ۇقشۇ بازالىق وقۋ ورىندارى, ۇيىمدارى مەن پوليگوندارىنىڭ قىزمەتىنە قاتىستى ماسەلەلەردى تالقىلادى, دەپ حابارلادى ورتالىق كوممۋنيكاتسيالار قىزمەتى.
سۋرەت: http://www.mfa.kz/