تاراز. 20 مامىر. پرەمەر-ءمينيستردىڭ ورىنباسارى بەردىبەك ساپارباەۆ ايماقتار بويىنشا جۇمىس ساپارى اياسىندا جامبىل وبلىسىنا كەلدى. بۇل تۋرالى پرەمەر-ءمينيستردىڭ ءباسپاسوز قىزمەتىنە سىلتەمە جاساپ, egemen.kz ءتىلشىسى حابارلادى.
تارازدا ۆيتسە-پرەمەر قازاق حاندىعىنىڭ 550 جىلدىعىن مەرەكەلەۋگە بايلانىستى ءىس-شارالار جوسپارىن جۇزەگە اسىرۋ بارىسىمەن تانىستى. سوعان وراي بەردىبەك ساپارباەۆ ات-سپورتتىق ءىس-شارالار وتەتىن «اتشابار» يپپودرومى مەن تاريحي-درامالىق سپەكتاكل ساحنالاتىن «جاستار» ستاديونىندا بولىپ, نىسانداردىڭ دايىندىعىن قاراپ شىقتى. سونداي-اق, ول وبلىس ورتالىعىنىڭ تاريحي بولىگىندە ورناتىلاتىن «قازاق حاندىعى» مونۋمەنتىنىڭ ەسكيزدىك ماكەتىن قاراپ شىقتى.
سونىمەن قاتار, پرەمەر-ءمينيستردىڭ ورىنباسارى تارازدىڭ الەۋمەتتىك جانە مادەني سالاسىنداعى بىرقاتار نىسانداردى ارالادى. ناقتى ايتساق, ءدۋالدى وقىتۋ جۇيەسى ەنگىزىلگەن حيميا-تەحنولوگيالىق كوللەدجى مەن وبلىستىق دراما تەاترىندا بولدى. ودان بولەك, وبلىستىق پەريناتالدىق ورتالىقتى, «ەجەلگى تاراز» مۋزەيى قۇرىلىسىن جانە قىزىلوردا وبلىسى قاراجاتى ەسەبىنەن جۇزەگە اسىرىلعان «قاراحان بابا» ماۆزولەيى جانىنداعى گۇلزاردى اباتتاندىرۋ بارىسىن كوردى.
جۇمىس ساپارى سوڭىندا كەڭەس ءوتتى. وندا ايماقتىڭ الەۋمەتتىك سالاسىن رەفورمالاۋ, جۇمىس ورىندارىن قىسقارتۋعا جول بەرمەۋ جانە الەۋمەتتىك تۇراقتىلىقتى ساقتاۋ جونىندەگى ءۇش جاقتى مەموراندۋمداردى ورىنداۋ ماسەلەلەرى قارالدى. سونداي-اق, قازاق حاندىعىنىڭ 550 جىلدىعىن مەرەكەلەۋ بارىسى تالقىلاندى.
كەڭەس قورىتىندىسى بويىنشا بەردىبەك ساپارباەۆ ورتالىق جانە جەرگىلىكتى ورگاندارعا بىرقاتار تاپسىرمالار بەردى. ول وبلىس اكىمدىگى تاراپىنان جاسالعان مەموراندۋمداردىڭ مىندەتتەرىن ورىنداۋدى, اسىرەسە, جۇمىسپەن قامتۋعا, جۇمىس ورىندارىن ساقتاۋعا, جالاقىنى ۋاقىتىلى تولەۋگە, قازاقستاندىق قامتۋدى ارتتىرۋعا قاتىستى قاتال باقىلاۋ قاجەتتىگىن باسا ايتتى.
ۆيتسە-پرەمەر حالىقتىڭ ءال-اۋقاتىن ارتتىرۋ ءۇشىن بارلىق رەسۋرستار مەن مۇمكىندىكتەردى پايدالانۋعا قاتىستى مەملەكەت باسشىسىنىڭ تاپسىرمالارىن جۇزەگە اسىرۋدىڭ ماڭىزدىلىعىنا ەرەكشە نازار اۋداردى.
ورالحان ءداۋىت.
دەرەك: egemen.kz.
سۋرەت: qazaquni.kz.