بيىل كونستيتۋتسياعا 20 جىل تولىپ وتىر. بۇل مەرەكەنىڭ ءار قازاققا ماڭىزى زور. اتا-بابالارىمىز عاسىرلار بويى تاۋەلسىز ەل بولۋدى ارمانداپ ءوتتى. بۇگىنگى كۇنگە جەتۋ ءۇشىن قازاق حالقىنىڭ باسىنان سان قيلى قيىندىقتار ءوتتى, تاۋەلسىزدىك ءۇشىن كۇرەستى. اقىرىندا بۇگىنگىدەي مەملەكەت قۇرىلدى.
ەلىمىزدىڭ ءوسىپ-وركەندەۋى, الەۋمەتتىك-ەكونوميكالىق دامۋى ازاماتتىق قۇقىق پەن ادام ەركىندىگىن قامتاماسىز ەتەتىن زاڭدار مەن زاڭنامالارعا تىكەلەي بايلانىستى. اتا زاڭ ەل ازاماتتارى ءۇشىن قاستەرلى دە قادىرلى, قاسيەتتى قۇجات – ءبىزدىڭ بارشا جارقىن ىستەرىمىزدىڭ قاينار باستاۋىنا اينالدى. كونستيتۋتسيانىڭ قاعيدالارى مەن نورمالارىنا سۇيەنە وتىرىپ قازاقستان وراسان تابىسقا قول جەتكىزدى. ءبىز اتا زاڭعا سۇيەنە وتىرىپ ەلىمىزدىڭ ىرگەتاسىن بەكىتتىك, دامۋدىڭ داڭعىلىنا تۇستىك. قازاقستان جاڭا داۋىرگە قادام باستى, تاريحي تاڭداۋ جاساپ, باعىت-باعدارىن, جۇرەر جولىن ايقىندادى. اتا زاڭىمىزدى قاستەرلەپ, قاعيداتتارىن بۇلجىتپاي ورىنداۋدىڭ ناتيجەسىندە بەرىك تە مىقتى مەملەكەتتىگىمىزدى ورناتىپ, تاۋەلسىزدىگىمىزدى تۇعىرلى ەتتىك.
بىرلىگى جاراسقان ەلىمىزدىڭ تىرلىگى دە قارقىندى. كونستيتۋتسيا تاعدىر توعىستىرعان كوپۇلتتى حالقىمىزدىڭ تاتۋلىعى مەن تۇراقتىلىعىنا تۇعىر بولدى. قاشاندا ىنتىماعى جاراسقان ءبىرتۇتاس مەملەكەت بيىكتەردى باعىندىراتىنى انىق. اتا زاڭ تاۋەلسىزدىگىمىز بەن تۇتاستىعىمىزدىڭ كەپىلى رەتىندە ءبىزدىڭ بىرلىگىمىزدى بەكەمدەپ, ەلدەگى تۇراقتىلىق پەن تاتۋلىقتىڭ بەرىك تۇتقاسى بولۋدا. ءاربىر قازاقستاندىق ازامات ءبىزدىڭ كونستيتۋتسيامىزدا جاريا ەتىلگەن دەموكراتيالىق قۇندىلىقتاردىڭ ساقتالۋىنا جاۋاپتى. ءاربىر ازاماتى ءوزىن تەڭ سەزىنەتىن, تاتۋلىعى جاراسقان قازاق ەلىنىڭ, قازاقستان حالقىنىڭ قارىمدى ىستەرى بۇگىندە الەم جۇرتشىلىعى ءۇشىن ۇلگى-ونەگەگە اينالدى. مۇنىڭ ءوزى ءبىزدىڭ اتا زاڭىمىزدا بۇكىل ادامزاتتىق قۇندىلىقتار مەن وركەنيەتتىك يگىلىكتەردىڭ قامتىلعانىن ايعاقتايدى. ءبىز ۇلان-عايىر بايتاق دالانى اق بىلەكتىڭ كۇشىمەن قورعاپ قالعان باتىر بابالارىمىزدىڭ اسقاق اماناتىنا ادال بولۋىمىز قاجەت. ەلى ازات, جەرى تۇتاس قۋاتتى مەملەكەت قۇرۋدى ارمانداپ كەتكەن اتا-بابالارىمىزدىڭ ارمانىن اقيقاتقا اينالدىرۋ باقىتى ءبىزدىڭ ۇرپاققا بۇيىرعان. ەندەشە, ەلىمىزدى قارقىندى دامىتىپ, الەمنىڭ ماڭداي الدى مەملەكەتتەرىنىڭ قاتارىنا قوسۋ, ءبىزدىڭ ازاماتتىق بورىشىمىز. وتانىمىزدىڭ باستى بايلىعى – تىنىشتىق پەن بەيبىت ومىرگە كونستيتۋتسيانىڭ نەگىزىندە قول جەتكىزدىك. تەمىرقازىعىمىز بەن تىرەگىمىزگە اينالعان باس قۇجات مەملەكەت قاۋىپسىزدىگىنىڭ, ازاماتتاردىڭ قۇقىعى مەن بوستاندىعىنىڭ نەگىزى.
قازاقستاننىڭ ءاربىر ازاماتى ەلىمىزدىڭ نەگىزگى زاڭىنىڭ اسقاق رۋحى مەن ماڭىزىن, كونستيتۋتسيانى قالىپتاستىرۋ تاريحىن جاقسى ءبىلۋى كەرەك. كونستيتۋتسيانى قۇرمەتتەۋ جانە ساقتاۋ ارقىلى جانە ونىڭ تاريحى مەن ماڭىزىن بىلۋىمىزبەن عانا ءبىز ءوز ەلىمىزدى, وتانىمىزدى, تاريحىمىزدى, قۇندىلىقتارىمىزدى قۇرمەتتەيمىز جانە ەلىمىزدىڭ دامۋىنا, قوعامدىق كەلىسىمگە, بەيبىتشىلىك پەن تىنىشتىققا قول جەتكىزە الامىز. قازاقستان قوعامىنىڭ ۇزاق جىلدارعا ارنالعان وركەندى دامۋىنىڭ باعىتىن نىق ايقىنداپ بەرگەن كونستيتۋتسياعا ءبىزدىڭ دە ايتار العىسىمىز مول. ويتكەنى, ءبىزدىڭ اتا زاڭىمىز — قازاقستان حالقىنىڭ سانالى تاڭداۋى, وركەندى دامۋىمىزدىڭ كەپىلى.
اتا زاڭدى باسشىلىققا الا وتىرىپ, تاۋەلسىزدىگىمىز بەن مەملەكەتىمىزدى نىعايتۋ جولىندا عاسىرلىق ءمانى بار اۋقىمدى ءىستەر اتقاردىق. ءبىز ايبارى اسقان قۋاتتى ۇلتقا, داۋلەتى تاسقان ەلگە اينالدىق. ورتاق شاڭىراعىمىزدىڭ شەكاراسىن شەگەلەپ, ىرگەمىزدى مىزعىماستاي ەتىپ بەكىتتىك. ەۋرازيانىڭ جۇرەگىنە ورنالاسقان ەلوردامىز رۋحانياتتىڭ ءىرى ورتالىعى, ساياساتتىڭ ىرگەلى ورداسى رەتىندە الەمگە تانىلدى. ەلىمىزدىڭ ساياسي, ەكونوميكالىق جانە مادەني تۇرعىدان جەتىستىكتەرگە جەتۋى دە اتا زاڭىمىزدىڭ ارقاسى. كونستيتۋتسيامىز ارقىلى تاۋەلسىز قازاق ەلىن الەمگە پاش ەتتىك. ادىلدىكتى نايزانىڭ ۇشىمەن, قىلىشتىڭ جۇزىمەن ورناتقان حالقىمىز بۇگىنگى كۇنگە ماقتانىشپەن قارايدى. اتا زاڭ قابىلدانعان 20 جىلدىڭ ىشىندە ەلىمىزدىڭ ەكونوميكاسى مەن حالىقتىڭ الەۋمەتتىك تۇرمىسى, حالىقتىڭ قۇقىقتىق ساۋاتى ادام تانىماستاي وزگەردى. ەلىمىز اتا زاڭنىڭ بۇل تويىن باعىتى ايقىن, ماقساتى ءبىر, ۇلتتار مەن ۇلىستاردىڭ تاتۋلىعى جاراسقان مەملەكەت رەتىندە قارسى العالى وتىر.
جاسامپازدىقتىڭ جاڭىلماس جارعىسى بولعان كونستيتۋتسيا بۇل كۇندە ءبىزدىڭ بارشا جارقىن ىستەرىمىزدىڭ قاينار باستاۋىنا اينالدى. وسى جىلدار ىشىندە تاۋەلسىزدىك تۋىن جەلبىرەتىپ, دەربەس, ەگەمەندى ەلدەردىڭ قاتارىنا قوسىلىپ, العا قاراي دامۋىمىزدىڭ جاڭا ساتىسىنا كوشتىك. قۇندىلىقتارىمىزدىڭ نەگىزىن اينىتپاي ورىنداۋدىڭ ناتيجەسىندە از عانا ۋاقىتتىڭ ىشىندە تۇعىرى بەرىك, تۋى بيىك مەملەكەتتىگىمىزدى ورناتىپ, تاۋەلسىزدىگىمىزدى پاش ەتتىك. اتا زاڭىمىز ءبىزدىڭ ەلىمىزدىڭ ءبىرلىگىنىڭ جانە تۇتاستىعىنىڭ بەلگىسى بولدى. اتا زاڭ سوت بيلىگىنىڭ ۇيىمى مەن قىزمەتىنىڭ نەگىزگى قاعيداتتارىن بەكىتتى. ەگەمەن ەلىمىزدىڭ تاۋەلسىز سوت جۇيەسىن جەتىلدىرۋدە اتالمىش زاڭ, عاسىر جۇگىن ارقالادى دەسەك, اسىرا ايتقاندىق ەمەس. اتا زاڭىمىزدىڭ ءاربىر بابى كوز قاراشىعىنداي ساقتالىپ, مۇلتىكسىز ورىندالۋىنا ەل پرەزيدەنتى كەپىل بولىپ كەلەدى. مەملەكەت باسشىسىنىڭ جۇرگىزىپ وتىرعان جان-جاقتى ساياساتىنىڭ ناتيجەسىندە ەلىمىزدە سوت-قۇقىقتىق رەفورما دا وتە جوعارى قارقىنمەن دامىپ كەلەدى.
ءبىز ماڭگىلىك ەل بولامىز دەپ, كەمەل مەملەكەت قۇرۋدى كوزدەگەن حالىقپىز. سوت تورەلىگىنىڭ ادىلدىگى مەن جەدەل, ءارى تولىق ورىندالۋى – كەز كەلگەن ەلدىڭ كەمەل بولمىسىنىڭ كورىنىسى. سوت جۇيەسىنىڭ دامۋى توقتاپ قالاتىن قۇبىلىس ەمەس, ونى ۇزدىكسىز جەتىلدىرىپ وتىرۋ كەرەك. ءبىز بۇل باعىتتاعى جۇمىستاردى جالعاستىرا بەرەمىز. ەندەشە تاۋەلسىزدىگىمىزدىڭ تىرەگى, مەملەكەتىمىزدىڭ جۇرەگى بولعان اتا زاڭىمىز ماڭگىلىك بولسىن. ەلىمىز شىرقاۋ شىڭدارعا, الار اسۋلارعا القىنباي جەتە بەرسىن. اتا زاڭىمىزدىڭ عۇمىرى ۇزاق, حالىققا تيگىزەر شاپاعاتى مول بولسىن!
مەيرامبەك تايمەردەنوۆ,
الماتى وبلىستىق سوتىنىڭ توراعاسى.
تالدىقورعان.