قازاقستاننىڭ نورۆەگياداعى ەلشىلىگى قازاقستان-نورۆەگيا مادەني ورتالىعىمەن بىرلەسە, وسلونىڭ مەرياسى ۇيىمداستىرعان مادەنيەت جانە ءتىل فەستيۆالىنە قاتىستى.
قازاقستان مادەنيەتى بۇرىشىندا مادەني-تاريحي, ارحەولوگيالىق ەسكەرتكىشتەردىڭ بەينەلەرىن, قازاق ەلىنىڭ سالت-داستۇرلەرىن كورسەتەتىن, استانانىڭ قازىرگى ارحيتەكتۋراسىنىڭ جانە الماتىنىڭ وليمپيادالىق وبەكتىلەرىنىڭ سۋرەتتەرىن قامتيتىن فوتوكورمە ۇيىمداستىرىلىپ, كوپشىلىك نازارىنا ۇلتتىق كيىمدەر كورمەسى مەن قازاقستان تۋرالى كىتاپتار ۇسىنىلدى. فەستيۆالعا قاتىسۋشىلار ساندىك-قولدانبالى ونەرمەن تانىسىپ, ەلدىڭ ءان-كۇيىن تىڭداپ, قازاقستان-نورۆەگيا مادەني ورتالىعىنىڭ باسشىسى الماگۇل قالەلوۆانىڭ ورىنداۋىندا ۇلتتىق ءبيدى تاماشالادى جانە «قازاقستانعا حوش كەلدىڭىز» بەينە-روليگىن كورىپ, ۇلتتىق تاعامداردان ءدام تاتتى. فەستيۆال بارىسىندا الۋان ءتۇرلى اقپاراتتىق-يميدجدىك ماتەريالدار تاراتىلدى.
قازاقستاننىڭ مادەنيەتىنە ارنالعان ستەند كوپشىلىك تاراپىنان جوعارى باعاعا يە بولدى. نورۆەگيالىقتاردىڭ كوپشىلىگى قازاقستانعا بارۋعا قىزىعۋشىلىق تانىتتى.
«ەگەمەن-اقپارات».