وبلىس ورتالىعىنداعى يپپودرومدا ۇلتتىق سپورت تۇرلەرىنەن IV وبلىستىق فەستيۆال ءوتتى. شارا اياسىندا سپورتتىڭ 12 ءتۇرى بويىنشا جارىستار وتكىزىلىپ, وبلىس ورتالىعى جانە بارلىق اۋدانداردان جينالعان 500-دەن استام سپورتشى ونەر كورسەتتى. يپپودروم ماڭىنا اقتوبە قالاسى مەن اۋداندار كيىز ۇيلەر اكەلىپ تىكتى. قوبدا, قارعالى اۋداندارى كيىز ۇيلەرىنىڭ ءىشى-سىرتىن جايناتىپ قانا قويماي, ءۇي ماڭىنا قولونەر شەبەرلەرى تۋىندىلارىن, اتا-بابالارىمىز تۇرمىستا قولدانعان بۇيىمداردى قويىپتى.
سونداي-اق, ول وڭىرىمىزدە سپورت سالاسىن دامىتۋ, ماتەريالدىق جاعىنان نىعايتۋ ماقساتىندا جاسالىپ جاتقان ىستەر تۋرالى ايتتى. ءبىر عانا 2013 جىلى وبلىسىمىزداعى سپورت عيماراتتارىنىڭ قاتارى جاڭا 47 نىسانمەن تولىققان. قازىرگى ۋاقىتتا بارلىق سپورت مەكتەپتەرى كۇردەلى جوندەۋدەن وتكەن. وسىنىڭ ناتيجەسىندە, دەنە شىنىقتىرۋمەن جانە سپورتپەن تۇراقتى اينالىساتىن تۇرعىندار ۇلەسى كورسەتكىشى جونىنەن وبلىسىمىز رەسپۋبليكا بويىنشا الدىڭعى قاتارداعى بەس ءوڭىردىڭ ءبىرى بولىپ وتىر. ال جاقىن جىلدارى اقتوبەدە مۇز سارايىن, جەكپە-جەك سپورت تۇرلەرى بويىنشا سپورت سارايىن سالۋ جوسپارلانعان.
كاراتەشى رينات ساعىندىقوۆ, سامبودان ەرلەر اراسىندا الەم كۋبوگى كەزەڭىنىڭ جەڭىمپازى ەسەت قۋانوۆ, بوكستان جاسوسپىرىمدەر اراسىندا 2015 جىلعى ازيا چەمپيوناتىنىڭ قولا جۇلدەگەرى راحات سەيىتجان, توعىزقۇمالاقتان الەم چەمپيوناتىنىڭ جەڭىمپازى نۇربەك قابيەۆ, شاحماتتان وقۋشىلار اراسىنداعى الەم چەمپيوناتىنىڭ قولا جۇلدەگەرى ارىستانبەك ورازاەۆ جانە باسقالارى بار.
سونىمەن قاتار, اقتوبەدەگى ۇلتتىق سپورت تۇرلەرى بويىنشا سپورت مەكتەبى ديرەكتورىنىڭ ورىنباسارى ابات ايماعامبەتوۆ, بايعانين اۋداندىق بالالار جانە جاسوسپىرىمدەر سپورت مەكتەبىنىڭ جاتتىقتىرۋشىسى ءناسىر قاراعۇلوۆ, №1 مارتوك ورتا مەكتەبى دەنە تاربيەسى ءپانىنىڭ مۇعالىمى سەرگەي پولەگونكولار قر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ العىس حاتىمەن ماراپاتتالدى.
ات ۇستىندە كەلە جاتىپ 10 سەكۋند ۋاقىت ىشىندە جەردەن بەس مونەتانى ءىلىپ اكەتكەن ءاليحان باشەنباەۆ تەڭگە ىلۋدەن ءبىرىنشى ورىنعا يە بولدى. قىز قۋدا ناۋرىز قايىرعاليەۆ پەن اقجان جالماعامبەتوۆا جۇبى جەڭىمپاز اتاندى. بەس سالماق دارەجەسى بويىنشا وتىزدان استام ادام باق سىناعان اۋدارىسپاقتا ەڭ جوعارى سالماقتا مۇعالجارلىق مەيرامبەك اليەۆ جەڭىسكە جەتتى. كوكپاردا اقتوبە قالاسىنىڭ قۇراماسى ءبىرىنشى ورىندى يەمدەندى. توعىزقۇمالاقتا ەرلەر اراسىندا ءمادي ءىلياسوۆ, ال قىزدار اراسىندا نازىم قاراعۇلقىزى ءبىرىنشى ورىنعا قول جەتكىزدى. قازاق كۇرەسىنەن شىڭعىس شوقپىتوۆ قارسىلاس شاق كەلتىرمەدى.
ساتىبالدى ءساۋىرباي,
«ەگەمەن قازاقستان»,
ينديرا وتەمىس,
جۋرناليست.
اقتوبە وبلىسى.