كەڭەسكە قاۋىپسىزدىك كەڭەسىنىڭ تۇراقتى مۇشەلەرى مەن بىرقاتار مەملەكەتتىك ورگانداردىڭ باسشىلارى قاتىستى. وندا ارنايى ورگانداردىڭ قىزمەتىن جەتىلدىرۋ, تالداۋ جانە بولجاۋ جۇمىستارىنىڭ ساپاسىن ارتتىرۋ ماسەلەلەرى قارالدى.
مەملەكەت باسشىسى سىرتقى نارىقتارداعى ۇدەرىستەردى مۇقياتتىلىقپەن مونيتورينگتەۋ, احۋالدىڭ وزگەرۋىن, ىقتيمال تاۋەكەلدەر مەن قاتەرلەردى باعالاۋ, سونداي-اق, وقيعالاردىڭ دامۋىن بولجاۋ نەگىزىندە الدىن الۋ شارالارىن ازىرلەۋ قاجەتتىگىن اتاپ ءوتتى.
پرەزيدەنت, سونداي-اق, مەملەكەتتىك ورگانداردىڭ الەۋمەتتىك-ەكونوميكالىق دامۋ, بەس ينستيتۋتتىق رەفورمانىڭ جانە «نۇرلى جول» باعدارلاماسىنىڭ ستراتەگيالىق مىندەتتەرىن جۇزەگە اسىرۋ جونىندەگى جۇمىستارى ەل ىشىندەگى جانە الەمدەگى جاعدايدى جان-جاقتى تالداۋعا نەگىزدەلۋى ءتيىس ەكەندىگىن اتادى. جيىن قورىتىندىسى بويىنشا مەملەكەتتىك ورگاندارعا ناقتى تاپسىرمالار بەرىلدى.
سۋرەتتى تۇسىرگەندەر
س.بوندارەنكو, ب.وتارباەۆ.