مامانداردىڭ ايتۋىنشا, ءزىلزالانىڭ ەپيتسەنترى حالماحەرا ارالىنان سولتۇستىككە قاراي 40 شاقىرىم قاشىقتىقتا ورىن العان. جەر سىلكىنىسىنىڭ وشاعى 120 شاقىرىم تەرەڭدىكتەن باستالعان. نەگىزىنەن جەر سىلكىنىسى تەڭىز اۋماعىندا بولعان. وسىعان بايلانىستى بۇل ءزىلزالادان زارداپ شەككەندەر جوققا ءتان.
يندونەزيا تىنىق مۇحيتىنىڭ «وت ساقيناسى» دەپ اتالاتىن وتە كۇشتى تەكتونيكالىق جارىلىس ايماعىندا ورنالاسقان. سوندىقتان بۇل وڭىردە جەردىڭ تەكتونيكالىق قىرتىستارى بەلسەندى قوزعالىستا بولادى. مامانداردىڭ بولجامىنشا, بۇل قىرتىستاردىڭ قوزعالىسى جىل سايىن 7 سم. جىلدامدىقتى قۇرايدى ەكەن. سەيسمولوگتار جىل سايىن بۇل وڭىردە ماگنيتۋداسى 4 بالدان جوعارى بولاتىن 6-7 مىڭ جەر سىلكىنىسىن تىركەيدى. كوپ رەتتە جەر سىلكىنىسىنىڭ زاردابىنان ادامدارعا ۇلكەن اپات اكەلەتىن تسۋناميلەر ورىن الادى.