دونالد ترامپ يراننىڭ ەشقاشان يادرولىق قارۋعا يە بولمايتىنىن, ال ورمۇز بۇعازى ارقىلى كەمە قاتىناسى تەگىن بولاتىنىن مالىمدەدى, دەپ حابارلايدى Egemen.kz.
دونالد ترامپ بۇل تۋرالى G7 سامميتىندە سويلەگەن سوزىندە ايتىپ, اقش پەن يران اراسىندا جاسالعان ۋاقىتشا ءبىتىم كەلىسىمىنىڭ نەگىزگى شارتتارىن جاريا ەتتى.
BBC اگەنتتىگى مالىمەتىنشە, ترامپ ليۆانداعى قاقتىعىس قول جەتكىزىلگەن كەلىسىمدەردىڭ جۇزەگە اسۋىنا كەدەرگى كەلتىرمەيتىنىنە سەنىمدى.
بۇعان دەيىن ول يزرايل پرەمەر-ءمينيسترىن سىنعا الىپ, وڭىردەگى اسكەري ارەكەتتەر يران توڭىرەگىندەگى جاعدايدى رەتتەۋگە باعىتتالعان كۇش-جىگەرىن قيىنداتىپ وتىرعانىن مالىمدەگەن ەدى.
ليۆاندا يزرايل شابۋىلدارىنان قازا تاپقاندار سانى ارتتى
سونداي-اق اق ءۇي باسشىسى كەلىسىمنىڭ تولىق ءماتىنىن جۋىردا جاريالاۋدى جوسپارلاپ وتىر. قۇجاتقا رەسمي تۇردە قول قويۋ ءراسىمى وسى جۇما كۇنى جەنەۆادا وتەدى.
ەسكە سالا كەتەيىك, پاكىستان بيلىگى اقش پەن يران اراسىندا بەيبىت كەلىسىم جاسالعانىن حابارلادى. سونىمەن قاتار ليۆاندا اتىستى توقتاتۋ جونىندە دە كەلىسىمگە قول جەتكىزىلگەنى ايتىلدى.