استانا قالاسىندا بيىل شامامەن 50 كوشەگە جوندەۋ جانە قۇرىلىس جۇمىستارى جۇرگىزىلىپ, جالپى ۇزىندىعى 60 شاقىرىم جول جاڭارتىلادى. بۇل تۋرالى ەلوردا اكىمى جەڭىس قاسىمبەك Instagram پاراقشاسىندا حابارلادى, دەپ جازادى Egemen.kz.
ونىڭ ايتۋىنشا, كۇن جىلىنعاننان بەرى قالادا جول جوندەۋ جۇمىستارى قارقىندى باستالعان. قازىرگى ۋاقىتتا شۇڭقىرلاردى جاماۋ, باعىتتىق جوندەۋ, تروتۋارلاردى جاڭارتۋ جانە جول بەلگىلەرىن سىزۋ جۇمىستارى قاتار جۇرگىزىلۋدە.
قالادا بىرنەشە ءىرى كوشەلەر مەن داڭعىلداردا قۇرىلىس ءجۇرىپ جاتىر, سونىڭ ىشىندە ماڭگىلىك ەل, سىعاناق, رەسپۋبليكا داڭعىلى جانە باسقا دا ماڭىزدى باعىتتار بار.
سونىمەن قاتار ەكى دەڭگەيلى كولىك ايرىعى, جاڭا داڭعىلدار مەن ءىرى ماگيسترالدار سالىنۋدا. بۇل جوبالار قالانىڭ كولىك قوزعالىسىن جەڭىلدەتىپ, كەپتەلىستى ازايتۋعا باعىتتالعان.
استانادا ەت, ءسۇت ونىمدەرىن ارزان باعادا قايدان الۋعا بولادى؟
اكىمدىك مالىمەتىنشە, بارلىق جۇمىستار كەزەڭ-كەزەڭىمەن جۇرگىزىلىپ, استانانىڭ جول ينفراقۇرىلىمىن جاقسارتۋعا مۇمكىندىك بەرەدى.