پالاتا سپيكەرى قابيبوللا جاقىپوۆتىڭ توراعالىعىمەن ءماجىلىس بيۋروسى ءوتىپ, وندا الداعى جالپى وتىرىستىڭ كۇن ءتارتىبى ناقتىلاندى, دەپ حابارلادى وسى پالاتانىڭ ءباسپاسوز قىزمەتى.
دەپۋتاتتار نازارىنا بىرقاتار راتيفيكاتسيالىق زاڭ جوبالارىن قاراۋ ۇسىنىلىپ وتىر. ولار: ەۋرازيالىق ەكونوميكالىق وداق تۋرالى شارتقا قىرعىز رەسپۋبليكاسىنىڭ قوسىلۋىنا بايلانىستى ەاەو قۇقىعىنا كىرەتىن جەكەلەگەن حالىقارالىق شارتتارعا تۇزەتۋلەرگە, سونىمەن قاتار, يتاليامەن, ادامداردى ۇستاپ بەرۋ جانە يتاليامەن, رۋمىنيامەن, بولگاريامەن قىلمىستىق ىستەر بويىنشا ءوزارا قۇقىقتىق كومەك تۋرالى شارتتاردى راتيفيكاتسيالاۋعا قاتىستى بولماق.
سونىمەن قاتار, جالپى وتىرىستا 2014 جىلعى 29 مامىرداعى ەاەو تۋرالى شارتقا قىرعىز رەسپۋبليكاسىنىڭ قوسىلۋى تۋرالى شارتقا ارمەنيا رەسپۋبليكاسىنىڭ قوسىلۋى تۋرالى حاتتامانى راتيفيكاتسيالاۋعا بايلانىستى بەيىندى كوميتەتتەرگە قورىتىندى ازىرلەۋ مەرزىمى تاعايىندالادى.