«قازگيدرومەت» سينوپتيكتەرى 30 ناۋرىز كۇنى ەلدىڭ بىرقاتار وڭىرىندە اۋا رايىنا بايلانىستى ەسكەرتۋ جاريالادى, دەپ حابارلايدى Egemen.kz.
سينوپتيكتەردىڭ مالىمەتىنشە, اتىراۋ, ماڭعىستاۋ جانە باتىس قازاقستان وبلىستارىندا جاڭبىر جاۋىپ, نايزاعاي وينايدى. كەي جەرلەردە جاۋىن-شاشىننىڭ كۇشەيۋى كۇتىلەدى. بۇل ءوز كەزەگىندە جول قوزعالىسىنا جانە اشىق اۋاداعى جۇمىستارعا كەرى اسەر ەتۋى مۇمكىن.
ال رەسپۋبليكانىڭ باسىم بولىگىندە, اتاپ ايتقاندا, اقمولا, قوستاناي, قاراعاندى, پاۆلودار, سولتۇستىك قازاقستان, شىعىس قازاقستان جانە اباي وبلىستارىندا تۇنگى جانە تاڭعى ۋاقىتتا تۇمان تۇسەدى. كورىنۋ قاشىقتىعىنىڭ تومەندەۋى جۇرگىزۋشىلەر ءۇشىن قاۋىپ ءتوندىرۋى ىقتيمال.
ماماندار مۇنداي كەزەڭدە جولدا ساقتىق شارالارىن قاتاڭ ۇستانىپ, اۋا رايى بولجامدارىن نازاردا ۇستاۋعا كەڭەس بەرەدى. قولايسىز مەتەورولوگيالىق جاعدايلار كەزىندە الىس جولعا شىقپاعان ءجون, ال قاجەت بولعان جاعدايدا كولىك قوزعالىسىندا جىلدامدىقتى شەكتەپ, قاۋىپسىزدىك ەرەجەلەرىن ساقتاۋ ماڭىزدى.