2010 جىلعى 3 شىلدە استانا, ۇكىمەت ءۇيى
وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ “جالعىز تەرەزە” قاعيداتى بويىنشا حالىققا قىزمەت كورسەتۋ جونىندەگى اعىمداعى نىسانالى ترانسفەرتتەردى پايدالانۋ ەرەجەسىن بەكىتۋ تۋرالى
“2010 – 2012 جىلدارعا ارنالعان رەسپۋبليكالىق بيۋدجەت تۋرالى” قازاقستان رەسپۋبليكاسىنىڭ 2009 جىلعى 7 جەلتوقسانداعى زاڭىنىڭ 13-بابىن ىسكە اسىرۋ ماقساتىندا قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ “جالعىز تەرەزە” قاعيداتى بويىنشا حالىققا قىزمەت كورسەتۋ جونىندەگى اعىمداعى نىسانالى ترانسفەرتتەردى پايدالانۋ ەرەجەسى بەكىتىلسىن.
2. قازاقستان رەسپۋبليكاسى ادىلەت مينيسترلىگى قازاقستان رەسپۋبليكاسىنىڭ ۇكىمەتى بەلگىلەگەن تارتىپپەن وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە اعىمداعى نىسانالى ترانسفەرتتەردىڭ بەكىتىلگەن سوماسىن اۋدارۋدى قامتاماسىز ەتسىن.
3. وبلىستاردىڭ, استانا جانە الماتى قالالارىنىڭ اكىمدەرى:
1) اعىمداعى نىسانالى ترانسفەرتتەردىڭ بولىنگەن سوماسىن ۋاقتىلى جانە ماقساتتى پايدالانۋدى;
2) قازاقستان رەسپۋبليكاسى ادىلەت مينيسترلىگىنە اعىمداعى نىسانالى ترانسفەرتتەردىڭ بولىنگەن سوماسىنىڭ پايدالانىلۋى تۋرالى ەسەپتەردى ەسەپتى ايدان كەيىنگى ايدىڭ 15-كۇنىنە دەيىن بەرۋدى قامتاماسىز ەتسىن.
4. وسى قاۋلى 2010 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
___________________
قازاقستان رەسپۋبليكاسى ۇكىمەتىنىڭ 2010 جىلعى “3” شىلدەدەگى № 696 قاۋلىسىمەن بەكىتىلگەن
وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ “جالعىز تەرەزە” قاعيداتى بويىنشا حالىققا قىزمەت كورسەتۋ جونىندەگى اعىمداعى نىسانالى ترانسفەرتتەردى پايدالانۋ ەرەجەسى
1. وسى وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ “جالعىز تەرەزە” قاعيداتى بويىنشا حالىققا قىزمەت كورسەتۋ جونىندەگى اعىمداعى نىسانالى ترانسفەرتتەردى پايدالانۋ ەرەجەسى 056 “وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە “جالعىز تەرەزە” ءپرينتسيپى بويىنشا حالىققا قىزمەت كورسەتۋ ءۇشىن بەرىلەتىن اعىمداعى نىسانالى ترانسفەرتتەر” رەسپۋبليكالىق بيۋدجەتتىك باگدارلاماسى بويىنشا وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە رەسپۋبليكالىق بيۋدجەتتەن بەرىلەتىن اعىمداعى نىسانالى ترانسفەرتتەردى پايدالانۋ تەرتىبىن ايقىندايدى.
2. اعىمداعى نىسانالى ترانسفەرتتەردى پايدالانۋ قازاقستان رەسپۋبليكاسىنىڭ بيۋدجەت زاڭناماسىنا سايكەس جۇزەگە اسىرىلادى.
اعىمداعى نىسانالى ترانسفەرتتەر كۇردەلى سيپاتتاعى شىعىستاردى قوسپاعاندا, حالىققا قىزمەت كورسەتۋ ورتالىقتارىن ۇستاۋعا بايلانىستى اعىمداعى شىعىستارعا پايدالانىلادى.
3. قازاقستان رەسپۋبليكاسى ادىلەت مينيسترلىگى نىسانالى ترانسفەرتتەر بويىنشا ناتيجەلەر تۋرالى كەلىسىمنىڭ, جەكە قارجىلاندىرۋ جوسپارىنىڭ نەگىزىندە وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە اعىمداعى نىسانالى ترانسفەرتتەردى اۋدارۋدى جۇرگىزەدى.
4. وبلىستاردىڭ, استانا جانە الماتى قالالارىنىڭ جەرگىلىكتى اتقارۋشى ورگاندارى جارتى جىلدىقتىڭ جانە جىلدىڭ قورىتىندىلارى بويىنشا قازاقستان رەسپۋبليكاسى ادىلەت مينيسترلىگىنە نەتيجەلەر تۋرالى كەلىسىمدەرگە سايكەس بولىنگەن نىسانالى ترانسفەرتتەردى پايدالانۋ ەسەبىنەن قول جەتكىزىلگەن تىكەلەي جانە تۇپكىلىكتى نەتيجەلەر تۋرالى ەسەپ بەرەدى.
5. قازاقستان رەسپۋبليكاسى ادىلەت مينيسترلىگى قازاقستان رەسپۋبليكاسى قارجى مينيسترلىگىنە قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن جانە مەرزىمدەردە ەسەپتىلىكتى بەرەدى.