ەتنومادەني بىرلەستىكتەر دە ءۇن قوستى

بىرلەستىك توراعاسى ۋۆايس دجاناەۆ ءوزىنىڭ وتباسىمەن بىرگە №54 رەفەرەندۋم ۋچاسكەسىندە داۋىس بەردى.

– ءبىز وتباسى بولىپ بەكى­تىلگەن ۋچاسكەمىزگە كەلدىك. بۇل – ءوز ازاماتتىق بورىشىمىزدى ورىنداۋدىڭ, سونداي-اق ەلىمىزدىڭ بولاشاعىنا دەگەن پىكىرىمىزدى ءبىلدىرۋدىڭ مۇمكىندىگى. بۇگىن ءبىزدىڭ وتباسىمىز ءۇشىن تاعى ءبىر ماڭىزدى قۋانىش: قىزىمىز سۋريانا ومىرىندە العاش رەت وسىنداي قوعامدىق-ساياسي ءىس-شاراعا قاتىستى. قازاقستان ءاردايىم بەيبىتشىلىك پەن ىزگىلىكتىڭ ەلى بولىپ كەلگەن. بۇكىل وتباسى بولىپ ءبىز بالالارىمىز بەن ەلدىڭ تۇراقتى ءارى جارقىن بولاشاعى ءۇشىن داۋىس بەردىك, – دەيدى ۋۆايس حاۆاجيەۆيچ.

العاش رەت داۋىس بەرگەن سۋريانا دجاناەۆاعا ۋچاسكە توراعاسى ءتاتتى سىيلىق تابىس ەتتى.

ال ساران قالاسىنداعى №247 رەفەرەندۋم ۋچاسكەسىندە ءوز تاڭ­داۋىن جاساعان رۋسلان سافاروۆ ەل ەرتەڭىنە سەنىمدى. ول – «احىسكا» تۇرىك ەتنومادەني ورتالىعى» قوعامدىق بىر­لەس­تى­گىنىڭ قاراعاندى وب­­لىستىق فيليالىنىڭ توراعاسى. قوعام­دىق ءىس-شارالاردىڭ بەل ورتاسىندا جۇرەدى. مىنە, ەلدىڭ بولاشاعىنا دا الاڭداپ, دوستىق پەن بىرلىكتىڭ ۇلگىسىن كورسەتىپ, ءوزىنىڭ ءۇنىن قوستى.

ء«بىزدىڭ ءبىر عانا وتانىمىز بار. ول – تاۋەلسىزدىگى تۇعىرلى قازاق ەلى. سوندىقتان, ءبىزدىڭ بىرلەستىك وكىلدەرى بۇگىنگى ما­ڭىزدى ءىس-شاراعا بەيجاي قاراي المايدى. بارلىعى ءوز وتباستارىمەن رەفەرەندۋم ۋچاسكەلەرىنە بارىپ, ۇلەستەرىن قوسۋدا», دەيدى رۋسلان سافاروۆ.

قاراعاندى وبلىسى